इन्फो नेपाल — सञ्चारको सञ्जाल

असोज १ गतेदेखि इम्बोस्ड नम्बर प्लेट अनिवार्य, तर तत्काल कारबाही हुँदैन

काठमाडौँ । आगामी असोज १ गतेदेखि इम्बोस्ड नम्बर प्लेट अनिवार्य जडान गर्नुपर्ने भए पनि तत्काल जडान नगरेमा जरिवाना नहुने भएको छ। सवारीधनीलाई आफूलाई अनुकूल भएको समयमा सवारी दर्ता भएको यातायात कार्यालयमा गई स्वेच्छाले जडान गर्न यातायात व्यवस्था विभागले आग्रह गरेको छ।

विभागले इम्बोस्ड नम्बर प्लेट जडान नगरेमा जरिवाना वा कानुनी कारबाहीमा पर्नुपर्ने भन्ने समाचार तथा सामाजिक सञ्जालमा फैलिएका प्रचार असत्य भएको प्रष्ट पारेको छ। विभागले सोमबार जारी गरेको प्रेस विज्ञप्तिमा भनिएको छ, “असोज १ गतेदेखि इम्बोस्ड नम्बर प्लेट जडान नगरेका सवारी साधनमाथि कारबाही वा जेल सजाय हुने भन्ने भ्रामक सूचना तथ्यहीन छ।”

विभागका अनुसार तत्कालका लागि कुनै किसिमको जरिवाना नहुने र सेवाग्राहीले सुविधा अनुसार सम्बन्धित यातायात कार्यालयमा गएर इम्बोस्ड नम्बर प्लेट जडान गर्न सक्ने व्यवस्था मिलाइएको छ। यसका लागि आवश्यक पूर्वाधार र जनशक्ति प्रदेश कार्यालय तथा विभागमार्फत व्यवस्था गरिएको र सेवाग्राहीको सहजताका लागि आवश्यकता अनुसार थप प्रबन्ध पनि गर्ने बताइएको छ।

यस्तै, इम्बोस्ड नम्बर प्लेटमा प्रयोग हुने भाषासम्बन्धी विवादबारे सर्वोच्च अदालतको संवैधानिक इजलासले सम्झौतामा उल्लेख भएअनुसार अंग्रेजी लिपि प्रयोगमा कुनै संवैधानिक वा कानुनी त्रुटि नभएको स्पष्ट गरेको विभागले उल्लेख गरेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क