इन्फो नेपाल — सञ्चारको सञ्जाल

आगामी २४ घण्टामा देशका केही स्थानमा भारी वर्षाको सम्भावना, सतर्कता अपनाउन मौसम विभागको सुझाव

काठमाडौं |  जल तथा मौसम विज्ञान विभागले आगामी २४ घण्टाको मौसम पूर्वानुमान जारी गर्दै देशका विभिन्न स्थानहरूमा भारी वर्षा र मौसम खराब हुने सम्भावनाबारे सतर्कता अपनाउन सुझाव दिएको छ। विभागका अनुसार मनसुनी वायुको प्रभावका कारण देशभर सामान्यदेखि आंशिक बदलीको अवस्था रहन सक्ने बताइएको छ।

बागमती, कोशी, गण्डकी र मधेश प्रदेशका विभिन्न पहाडी क्षेत्रमा मेघ गर्जन, चट्याङ्ग सहित हल्का देखि मध्यम वर्षाको सम्भावना रहेको छ। कोशी र बागमती प्रदेशका केही स्थानहरूमा भने भारी वर्षाको सम्भावना रहेकोले ती क्षेत्रमा विशेष सतर्कता अपनाउन विभागले आग्रह गरेको छ।

असोज १६ गतेको मौसम पूर्वानुमान

असोज १६ गते दिउँसो कोशी, मधेश, बागमती र गण्डकी प्रदेशका विभिन्न स्थानहरूमा आंशिकदेखि साधारण बदली रहनेछ भने बाँकी प्रदेशहरूमा मौसम सफा रहने अनुमान गरिएको छ। कोशी, बागमती र गण्डकी प्रदेशका केही स्थानहरूमा मेघ गर्जन र चट्याङ्गसहित हल्का देखि मध्यम वर्षा हुने सम्भावना छ। साथै, कोशी र बागमती प्रदेशका एक-दुई स्थानमा भारी वर्षाको सम्भावना पनि रहेको छ।

राति पनि यस्तै मौसम रहनेछ, जसमा कोशी, मधेश, बागमती र गण्डकी प्रदेशमा आंशिकदेखि साधारण बदली रहने छ भने बाँकी भू-भागमा आंशिक बदली रहने सम्भावना छ।

असोज १७ गतेको मौसम पूर्वानुमान

असोज १७ गते दिउँसो र राति कोशी, मधेश, बागमती र गण्डकी प्रदेशमा मौसम आंशिकदेखि साधारण बदली रहने छ भने बाँकी भू-भागमा मौसम सफा रहनेछ। त्यस्तै, कोशी, बागमती र गण्डकी प्रदेशमा मेघ गर्जनसहित हल्का देखि मध्यम वर्षा र केही स्थानमा भारी वर्षा हुने सम्भावना रहेको छ।

कोशी र बागमती प्रदेशका केही स्थानहरूमा भारी वर्षाको सम्भावना रहेकोले कृषि, स्वास्थ्य, पर्यटन, पर्वतारोहण, सडक तथा हवाई यातायातमा असर पर्न सक्ने बताइएको छ। त्यसैगरी, ती क्षेत्रका नागरिकहरूलाई बाढी, पहिरो, भू-क्षयजस्ता विपद्‌बाट बच्न आवश्यक सतर्कता अपनाउन विभागले अनुरोध गरेको छ।

मौसमको प्रभावले गेग्रान बहाव र अन्य विपद्को जोखिम रहेको हुँदा सम्भावित स्थानहरूमा सतर्क रहन आवश्यक रहेको जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क