इन्फो नेपाल — सञ्चारको सञ्जाल

आज छठ पर्वको मुख्य दिन: अस्ताउँदो सूर्यलाई अर्घ्य, देशभर उत्सव र उमंग

काठमाडौं | सूर्यको उपासना गरी मनाइने छठ पर्वको आज मुख्य दिन, जसमा व्रतालुले साँझ अस्ताउँदो सूर्यलाई पूजा गरेर अर्घ्य दिने परम्परा छ। रातभर जाग्राम बसेर भोलि बिहान उदाउँदो सूर्यलाई अर्घ्य दिएपछि यो चारदिने पर्वको समापन हुनेछ।

आज छठको विशेष महत्त्वलाई ध्यानमा राखी सरकारले सार्वजनिक बिदा दिएको छ। काठमाडौं उपत्यकादेखि तराई–मधेशसम्म छठको विशेष रौनक छ।

काठमाडौं महानगरपालिकाले विभिन्न आठ स्थानमा छठघाट निर्माण गरेको छ। वडानम्बर १ को कमलपोखरी, वडा नम्बर ८ को गौरीघाट, वडा नम्बर ११ को वंशीघाट, वडा नम्बर १३ को धौखेल खोला, वडा नम्बर १४ को कुमारी क्लब र भुवनेश्वरी मन्दिर, वडा नम्बर १६ को बालाजु बाइसधारा र वडा नम्बर ३२ को कोटेश्वर दोभानमा छठ पूजा स्थल निर्माण गरी सरसफाइ, सजावट र सुरक्षा प्रबन्ध मिलाइएको छ।

जनकपुरधामका गंगासागर, अंगराज सागर, धनुष सागर, दशरथ तलाउ लगायतका सरोवरमा श्रद्धालुहरू बिहानैदेखि पूजा सामग्रीसहित भेला भइरहेका छन्। यस अवसरमा जनकपुरका धार्मिक सरोवरहरू र ग्रामीण क्षेत्रका जलाशयहरू सजाइएका छन्। पोखरी नहुने क्षेत्रमा इनार सजाएर पनि छठ पूजा गरिन्छ।

छठ पूजामा आज साँझ राष्ट्रपति, उपराष्ट्रपति लगायतका विशिष्ट व्यक्तिहरू पनि अस्ताउँदो सूर्यलाई अर्घ्य दिन छठघाट जाने कार्यक्रम छ। पर्वले विशेषगरी तराई क्षेत्रमा महत्त्व राखे पनि पछिल्लो समय पहाडी र हिमाली क्षेत्रका मानिसहरूले पनि यो पर्व मनाउने क्रम बढेको छ। यसले सामाजिक सद्भाव र एकता प्रकट गरेको छ।

जनविश्वास अनुसार छठको विधिपूर्वक पालन गर्दा मनोवाञ्छित फल प्राप्त हुने, परिवारको कल्याण हुने र दुःखकष्ट हट्ने विश्वास छ। पर्वको अवसरमा राष्ट्रपति, उपराष्ट्रपति, प्रधानमन्त्रीसहित विभिन्न राजनीतिक दलका नेताहरूले शुभकामना सन्देश पठाएका छन्।

सम्बन्धित समाचार

तुलसी–दामोदरको विवाह गरी आज हरिबोधिनी एकादशी मनाइँदै

मकवानपुर ।आज कात्तिक शुक्ल एकादशी अर्थात् हरिबोधिनी एकादशी, देशभर भगवान् विष्णुको पूजा आराधना, तुलसीको विवाह र व्रत गरी मनाइँदैछ । यस दिन तुलसीलाई भगवान् दामोदर अर्थात विष्णुसँग वि…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते