इन्फो नेपाल — सञ्चारको सञ्जाल

इटहरीमा ‘उज्यालो इटहरी अभियान’ अन्तर्गत १५ स्थानमा हाईमास्ट लाइट जडान

कोशी | इटहरी उपमहानगरपालिकाले ‘उज्यालो इटहरी अभियान’लाई अघि बढाउँदै नगरका प्रमुख स्थानहरूमा हाईमास्ट लाइट जडान गरेको छ। बिहीबार उपमहानगर कार्यालय परिसरमा मेयर हेमकर्ण पौडेलले हाईमास्ट लाइटको उद्घाटन गर्दै अभियानलाई निरन्तरता दिने प्रतिबद्धता व्यक्त गरे।

मेयर पौडेलका अनुसार हालसम्म इटहरीका विभिन्न स्थानमा १२ हजारभन्दा बढी सडक बत्ती जडान भइसकेका छन्। इटहरीका सबै क्षेत्र उज्यालो नहुँदासम्म यो अभियान जारी रहने उनको भनाइ छ।

उपमहानगरपालिकाले इटहरी गोलो चोक, हलगडा चोक, खनार चोक, तरहरा चोक, आपगाछी, बुढीगंगा मुक्तिघाट आरती क्षेत्र, एनटिभी चोक, श्री जब्दी मन्दिर, उब्धि चोक, पकली चोक, पूरान चोक, हवाई चोक, मंगलबारे तथा शनिबारे बजार पिपल चोक, र आईतबारे तथा बुधबारे हटियामा हाईमास्ट लाइट जडान गरेको हो।

इटहरी उपमहानगरपालिकाको विद्युत शाखाका प्रमुख उमेश चौधरीका अनुसार प्रत्येक हाईमास्ट लाइट ३०० वाटको छ। पहिले जडान गरिएका सडक बत्तीको उज्यालो पर्याप्त नभएकाले यी स्थानहरूमा नयाँ लाइट जडान गरिएको हो।

लाइट सञ्चालनका लागि आधुनिक टाइमर प्रविधि प्रयोग गरिएको छ, जसले राति स्वचालित रूपमा बत्ती बाल्ने र बिहान निभाउने सुविधा दिन्छ। गोलो चोकमा १६ मिटर अग्लो पोलमा ८ सेट लाइट जडान गरिएको छ भने अन्य स्थानहरूमा १२.५ मिटर अग्लो पोलमा ४ सेट लाइट राखिएको छ।

विराटनगरस्थित इटन्टर ट्रेड नेपाल कम्पनीसँग तीन करोड चार लाख आठ हजार तीन सय रुपैयाँको लागतमा हाईमास्ट लाइट र अन्य ६० वाटका ४,१२५ सेन्सर बत्ती खरिद गरिएको छ।

‘उज्यालो इटहरी अभियान’ले नगरलाई सुरक्षित र व्यवस्थित बनाउने लक्ष्य लिएको छ। नगरका सबै क्षेत्रमा उज्यालो पुर्‍याउन यो अभियानलाई अझ तीव्र रूपमा अघि बढाइने इटहरी उपमहानगरपालिकाले जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क