इन्फो नेपाल — सञ्चारको सञ्जाल

इटहरीमा बसको ठक्करबाट एक किशोरीको मृत्यु, स्थानीयको आक्रोशमा बस जलाइयो

इटहरी | इटहरीको खनार नजिक शान्ति चौकमा आइतबार साँझ भएको बस दुर्घटनामा १६ वर्षीया सम्झना यादवको मृत्यु भएको छ। जनता माध्यमिक विद्यालय, इटहरीमा कक्षा ९ मा अध्ययनरत यादव साइकलमा यात्रा गरिरहेकी थिइन्।

मोरङबाट विराटनगरतर्फ जाँदै गरेको मे १ ख ४५७४ नम्बरको बसले यादवलाई ठक्कर दिएपछि उनको घटनास्थलमै मृत्यु भएको हो। ठक्कर दिएर भाग्न खोजेका बसका चालकलाई स्थानीयले सिँचाइ आयोजनाको पुलनजिक नियन्त्रणमा लिएका थिए।

दुर्घटनापछि आक्रोशित भीडले बसमा आगो लगाउँदा बस पूर्णरूपले जलेर नष्ट भएको छ। बसमा सवार यात्रुहरू भने आगलागी हुनु अघि सुरक्षित रूपमा निस्कन सफल भएका छन्।

दुर्घटनापछि खनार क्षेत्र तनावपूर्ण बनेको छ। स्थानीयले सडक अवरुद्ध गर्दै प्रशासनप्रति असन्तुष्टि जनाएका छन्। पीडित परिवारलाई न्याय दिलाउन प्रदर्शन र नाराबाजी गरिएको छ।

स्थिति नियन्त्रणमा लिनका लागि प्रहरी परिचालन गरिएको छ भने स्थानीय प्रशासनले संवादमार्फत तनाव मत्थर गर्ने प्रयास गरिरहेको छ।

प्रहरीले घटनाको अनुसन्धान सुरु गरिसकेको छ। बसका चालक र सहचालकको खोजी भइरहेको जनाइएको छ। यसबाहेक, पीडित परिवारलाई न्याय दिलाउन आवश्यक सहयोगको पहल भइरहेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क