इन्फो नेपाल — सञ्चारको सञ्जाल

इटहरीमा विद्युतीय नगर बस सञ्चालन, दुई दिन निःशुल्क यात्रा

इटहरी | इटहरी उपमहानगरपालिकाले आजदेखि चार वटा विद्युतीय नगर बस सञ्चालनमा ल्याएको छ। वातावरणमैत्री, सुरक्षित, र उपभोक्तामुखी बस सेवा सुरुवाती चरणमा आज (बुधबार) र भोलि (बिहीबार) सर्वसाधारणलाई निःशुल्क यात्रा गराउने व्यवस्था गरिएको छ।

इटहरीका मेयर हेमकर्ण पौडेलले बुधबार नगर बसमा यात्रा गर्दै विभिन्न वडाहरूको अवलोकन गरेका थिए। उनले यो विद्युतीय बस सेवा वातावरणमैत्री र अपाङ्गमैत्री भएकाले इटहरीवासीका लागि निकै लाभदायी हुने बताए। सर्वसाधारणले पनि यो सेवा निकै उत्साहका साथ स्वीकार गरेको मेयर पौडेलले जानकारी दिए। बसको सञ्चालनले ग्रामीण भेगलाई सहरसँग जोड्ने र आवतजावतलाई सहज बनाउने उनको भनाइ छ।

बसको स्वागत विभिन्न स्थानमा सर्वसाधारणले फूलमालासहित गरेको थियो। अपाङ्गमैत्री सुविधा भएकाले यो सेवा फरक क्षमता भएका व्यक्तिहरूका लागि पनि सहज हुने जनाइएको छ।

बस सेवा नियमित रूपमा बिहान ७ बजेबाट ११ बजेसम्म र दिउँसो २ बजेदेखि बेलुकी ७ बजेसम्म सञ्चालन हुनेछ। सेवा शुल्क २० रुपैयाँ तोकिएको छ। इटहरीको प्रमुख सडक र विभिन्न वडाहरूमा सञ्चालन हुने बसको रूट धरान–विराटनगर सडक, पूर्व–पश्चिम सडक र इटहरीभित्रका प्रमुख स्थानहरू सम्मिलित छन्।

इटहरी उपमहानगरपालिकाले विद्युतीय बस सेवाले दिगो यातायात प्रणालीको विकासमा योगदान पुर्‍याउने विश्वास लिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क