इन्फो नेपाल — सञ्चारको सञ्जाल

उदयपुरमा जन्ती बोकेको बस दुर्घटना, एकजनाको मृत्यु, पाँच गम्भीर घाइते

गाईघाट | उदयपुरको त्रियुगा नगरपालिका-७ जोगिटोलस्थित मदन भण्डारी राजमार्गमा जन्ती बोकेको बस र मिनिट्रक आपसमा ठोक्किँदा एकजनाको मृत्यु भएको छ भने पाँचजना गम्भीर घाइते भएका छन्।

जिल्ला प्रहरी कार्यालय उदयपुरका प्रहरी निरीक्षक सन्तोष कार्कीका अनुसार दुर्घटनामा बारा, गढी गाउँपालिका-४ का ७० वर्षीय सिताराम धामी गम्भीर घाइते भएका थिए। उनलाई उपचारका लागि न्युरो अस्पताल, विराटनगर लगिएको थियो, जहाँ चिकित्सकले मृत घोषणा गरेका थिए।

दुर्घटनामा घाइते २० जनालाई उदयपुर अस्पतालमा सामान्य उपचारपछि डिस्चार्ज गरिएको छ। गम्भीर घाइते पाँचजनामध्ये दुईजनाको उदयपुर जिल्ला अस्पताल र तीनजनाको न्युरो अस्पताल, विराटनगरमा उपचार भइरहेको छ।

बारा जिल्लाबाट जन्ती लिएर गाईघाट आउँदै गरेको बागमती प्रदेश ०६-००१ ख ०१९५ नम्बरको बस र कटारीतर्फ जाँदै गरेको ना ८ ख २४०४ नम्बरको मिनिट्रक शुक्रबार बिहान २:३० बजे ठोक्किएर दुर्घटना भएको प्रहरी निरीक्षक कार्कीले जानकारी दिए। घटनाको थप अनुसन्धान भइरहेको प्रहरीले जनाएको छ। साथै, बस र मिनिट्रकका चालकलाई नियन्त्रणमा लिइएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क