इन्फो नेपाल — सञ्चारको सञ्जाल

उदयपुरमा १० देखि ५० प्रतिशतसम्म भाडा छुट हुने सार्वजनिक यातायात सुरु

उदयपुरको लिम्चुङबुङ गाउँपालिकाले सर्वसाधारणको सुविधाका लागि खरिद गरेको बस सञ्चालनमा ल्याएको छ । जनप्रतिनिधिले आफू चढ्ने सुविधाका लागि आएको यातायात खरिद बापतको रकमबाट सार्वजनिक बस सञ्चालनमा ल्याइएको हो ।

जनप्रतिनिधिको सुविधा नागरिकको सेवाका लागि लगानी गरी बस खरिद र सञ्चालन गरिएको पालिका अध्यक्ष मेजरकुमार राईको भनाई छ । ‘हामीले चढ्ने गाडी किन्ने पैसाले जनताका लागि सार्वजनिक बस किन्यौं,’ अध्यक्ष राईले भने, ‘जनताको सेवा नै हाम्रो जिम्मेवारी हो ।

पालिकाले खरिद गरेको एउटा बस चल्न थालेपछि सदरमुकाम गाईघाटदेखि लिम्चुङबुङको केन्द्र बराहस्थित राईचोकसम्म ‘रुट पर्मिट’ समेत तोकिएको छ । पालिका अध्यक्ष राईका अनुसार लिम्चुङबुङदेखि गाईघाट सम्मको दूरी ६५ किलोमिटर छ । सो रुट अन्तर्गत सञ्चालन हुने सार्वजनिक बसमा सवार बृद्धबृद्धा, अशक्त, अपाङ्ता भएकाहरूलाई आधा अर्थात् ५० प्रतिशत मात्र भाडा लिइने छ । त्यस्तै कृषक, उद्यमीहरूका लागि उत्पादन निर्यात तथा कच्चापदार्थ आर्यतमा २५ प्रतिशत भाडा छुट दिइने भएको छ ।

सो क्षेत्रका विद्यार्थीले पनि १० प्रतिशत छुट पाउने प्रमुख प्रशासकीय अधिकृत टार्जन लिम्बूले जानकारी गराए । उनका अनुसार हाल पालिकाको केन्द्रदेखि जिल्ला सदरमुकाम गाईघाटसम्मको ६५ किलोमिटर कच्ची सडक पार गर्दा ६ सय रुपैयाँ भाडा निर्धारण गरिएको छ । 

लिम्चुङबुङमा केही वर्ष अघि मात्र सडक पुगेको थियो । सडक बिस्तार भएदेखि हुने खाने वर्गले निजी साना सवारीसाधन चढ्ने भए पनि निम्न वर्गका नागरिकलाई सेवा दिन पालिकाकै लगानीमा सार्वजनिक बस खरिद गरिएको बताइएको छ । 

आफूले चढ्ने चार पाङग्रे सवारीसाधन खरिदका लागि आएको रकमले जनताका लागि सार्वजनिक बस किनेका पालिका जनप्रतिनिधिहरू स्वयं भने अहिले मोटरसाइकल प्रयोग गर्दै आएका छन् ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क