इन्फो नेपाल — सञ्चारको सञ्जाल

एक वर्षदेखि वीपी कोइराला स्वास्थ्य विज्ञान प्रतिष्ठानमा अचेत अवस्थामा सन्तोष

सुनसरी | सुनसरीको इटहरी वडा नं. १ का ४५ वर्षीय सन्तोष बजगाई वीपी कोइराला स्वास्थ्य विज्ञान प्रतिष्ठान धरानमा एक वर्षदेखि एनआइसियू कक्षमा उपचाररत छन्। एक वर्ष बितिसक्दा पनि उनको स्वास्थ्य अवस्थामा कुनै सुधार आउन सकेको छैन र उनी अझै अचेत अवस्थामा छन्।

बजगाईको परिवार इटहरीको संगीत चोकमा सामान्य चिया पसल गर्दै आएको थियो भने सन्तोष सिटी सफारी चलाउने गर्थे। अस्पताल प्रशासनले बिरामी निकालेर लैजान सकिने जनाए पनि, परिवारले उपचार खर्च तिर्न नसक्दा उनलाई घर ल्याउन सकेका छैनन्।

२०८० साउन २७ गते अस्पताल भर्ना गरिएका बजगाईको तीन दिनपछि एपेन्डिक्सको अपरेशन गरिएको थियो। अपरेशनपछि केही समय सामान्य अवस्थामा रहेका बजगाई अचानक गम्भीर भएपछि एनआइसियूमा भर्ना गरिएको थियो।

परिवारका अनुसार अस्पतालले त्रुटि स्वीकार गरी एनआइसियूको बेड शुल्क नलिने र प्रतिष्ठानभित्रको ल्याबको रकम फिर्ता गर्ने मौखिक वचन दिएको छ। तर फार्मेसीबाट खरिद गरिएको औषधीको रकम तिर्न नसक्दा बिरामीलाई अस्पतालबाट निकाल्न सकिएको छैन।

बिरामीकी श्रीमती अञ्जु बजगाईले अस्पतालको लापरवाहीले यस्तो अवस्था आएको दाबी गर्दै फार्मेसीको पैसा अस्पतालले तिरिदिनुपर्ने माग गरेकी छिन्।

वीपी कोइराला स्वास्थ्य विज्ञान प्रतिष्ठानकी प्रवक्ता डा. अञ्जु प्रधानले भने चिकित्सकहरूले मेडिकल गाइडलाइन अनुसार नै काम गरेको बताइन्। उनले लापरवाही भएको लागेमा सम्बन्धित निकायमा उजुरी गर्न सकिने र त्यसका लागि अस्पतालले पनि सहयोग गर्ने बताइन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क