इन्फो नेपाल — सञ्चारको सञ्जाल

कक्षा १२ को परीक्षा तोकिएको मितिमै हुन्छ, ‘भ्रामक सूचना नफैलाउनू’ : बोर्ड

काठमाडौं | कक्षा १२ को परीक्षा यही वैशाख २१ गतेदेखि जेठ २ गतेसम्म तोकिएको तालिकाअनुसार नियमित रूपमा सञ्चालन हुने भएको छ। राष्ट्रिय परीक्षा बोर्डले विभिन्न सामाजिक सञ्जालमा अनधिकृत रूपमा बोर्डको लोगो र नाम प्रयोग गरी गरिएको भ्रामक प्रचारप्रति कडा आपत्ति जनाउँदै, विद्यार्थी र अभिभावकलाई सावधानी अपनाउन आग्रह गरेको छ।

परीक्षा नहुने वा फेरि सारिने जस्ता अफवाहहरू सामाजिक सञ्जालमा तीव्र रूपमा फैलिएको अवस्थामा बोर्डले स्पष्ट पारेको हो कि अब परीक्षा तोकिएको मितिमा, तोकिएका परीक्षा केन्द्रमै, नियमित रूपमा हुने छ।

यसअघि नेपाल शिक्षक महासंघको आन्दोलनका कारण परीक्षा सारिएको थियो। पहिल्यै वैशाख ११ गतेदेखि हुने भनिएको परीक्षा महासंघको असहयोगका कारण पछाडि सरेको थियो। तर, अब महासंघसँग सहमति कायम भइसकेकाले परीक्षा सञ्चालनमा कुनै अवरोध नरहने बोर्डको दाबी छ।

फेसबुक पेज छैन, अफिसियल सूचना मात्र वेबसाइटमार्फत

बोर्डले खास गरी फेक फेसबुक पेज र स्क्रिनसटमार्फत परीक्षा स्थगित भएको भनी प्रचार गर्ने समूहप्रति आपत्ति जनाउँदै चेतावनी दिएको छ — बोर्डको कुनै पनि अधिकृत फेसबुक पेज छैन। सबै जानकारी www.neb.gov.np वेबसाइटमार्फत मात्रै आउने बोर्डले स्पष्ट पारेको छ।

राष्ट्रिय परीक्षा बोर्डले परीक्षा सञ्चालनका लागि आवश्यक सबै तयारी पूरा भइसकेको जनाउँदै केन्द्राध्यक्ष, शिक्षक, कर्मचारी, सुरक्षा निकाय, अभिभावक, सञ्चारकर्मी र विद्यार्थीहरूलाई परीक्षा मर्यादित र व्यवस्थित ढंगले सम्पन्न गराउन सहयोग गर्न अनुरोध गरेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क