इन्फो नेपाल — सञ्चारको सञ्जाल

कुकुरले लखेट्दा खोलामा खसेर बालक गम्भीर घाइते

हेटौँडा । मकवानपुरको हेटौंडा उपमहानगरपालिका वडा नम्बर २, वनसखण्डी मन्दिर नजिक शनिबार दिउँसो करिब १:३० बजे भएको एक घटनामा कुकुरले लखेट्दा एक १४ वर्षीय बालक खोलामा खसेर गम्भीर घाइते भएका छन्। घाइते बालकको अवस्था चिन्ताजनक रहेको र उनलाई थप उपचारका लागि चितवनको भरतपुर रिफर गरिएको छ।

जिल्ला प्रहरी कार्यालय मकवानपुरका अनुसार घाइते बालक सिराहा खुसिपुर नगरपालिका-२ स्थायी घर भई हाल हेटौंडा उपमहानगरपालिका-४ स्थित 'आमा होस्टेल'मा बस्ने रामबहादुर यादवका छोरा उमा प्रसाद यादव हुन्।

प्रत्यक्षदर्शीका अनुसार कुकुरले लखेटेपछि आत्तिएर भाग्ने क्रममा उमा प्रसाद नजिकैको खोल्सामा खसेका थिए र पानीमा डुबेका थिए। बाटोमा हिँडिरहेका व्यक्तिहरूले घटना देख्नासाथ तत्काल प्रहरीलाई खबर गरेका थिए।

सूचना पाएलगत्तै घटनास्थल पुगेको प्रहरी टोलीले बालकलाई तत्काल उद्धार गरी उपचारका लागि हेटौंडा अस्पताल पुर्‍याएको थियो। हेटौंडा अस्पतालका चिकित्सकहरूका अनुसार बालक हाल बोल्न नसक्ने र अचेत (गम्भीर) अवस्थामा छन्।

हेटौंडा अस्पतालमा प्रारम्भिक उपचारपछि बालकको थप उपचारका लागि चितवनस्थित भरतपुर अस्पताल रिफर गरिएको प्रहरीले जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क