इन्फो नेपाल — सञ्चारको सञ्जाल

कुलेखानीको सतह १५२६.४९ मिटर पुग्यो, साँझसम्म पहिलो चेतावनीको तह पुग्ने अनुमान

हेटौँडा । लगातारको वर्षासँगै कुलेखानी जलाशयको पानीको सतह बढेर आइतबार दिउँसो २ बजेसम्म १५२६.४९ मिटर पुगेको छ।

नेपाल विद्युत् प्राधिकरणअन्तर्गत कुलेखानी प्रथम जलविद्युत् केन्द्रका अनुसार हालको बहाव र जलाशयमा भइरहेको वृद्धिका आधारमा आज साँझ ६ देखि ७ बजेसम्म पानीको सतह १५२७ मिटर पुग्न सक्ने अनुमान गरिएको छ। यो तह पुगेपछि पहिलो चेतावनीस्वरूप साइरन बजाइने व्यवस्था छ।

मौसम पूर्वानुमानअनुसार मौसममा क्रमिक सुधार देखिए पनि जलाधार क्षेत्रमा आज राति वा भोलिसम्म अप्रत्याशित भारी वर्षा भएमा जलाशयको सुरक्षा र पानीको सतह सन्तुलन कायम गर्न स्पिलवे गेट खोल्नुपर्ने अवस्था आउन सक्ने केन्द्रले जनाएको छ।

गेट खोल्नुपर्ने अवस्था आएमा सिस्नेरी खोला तथा बागमती नदीको तल्लो तटीय क्षेत्रमा पानीको बहाव अचानक बढ्न सक्ने भएकाले नदी किनारमा नजान, सुरक्षित स्थानमा रहन र स्थानीय प्रशासन तथा सुरक्षा निकायको सूचनालाई पालना गर्न आग्रह गरिएको छ।

केन्द्रका प्रमुख प्रल्हाद राउतले सम्भावित जोखिमलाई ध्यानमा राख्दै प्राविधिक टोली पूर्ण तयारी अवस्थामा रहेको जानकारी दिएका छन्। गेट खोल्नुअघि निर्धारित प्रक्रियाअनुसार थप चेतावनी साइरन र एसएमएस अलर्ट जारी गरिने केन्द्रले जनाएको छ।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते