इन्फो नेपाल — सञ्चारको सञ्जाल

कृषक समूहलाई हाते ट्याक्टर र मकैको बीउ

कैलाश | कैलाश गाउँपालिकाले मकै उत्पादन प्रवर्द्धन कार्यक्रम अन्तर्गत स्थानीय कृषक समूहलाई हाते ट्याक्टर र बीउ वितरण गरेको छ।

गाउँपालिकाको कृषि तथा पशु विकास शाखाको समन्वयमा कैलाश–३ स्थित अम्बाटार कृषक समूहलाई ७ एचपी क्षमताको डिजेल इन्जिनयुक्त चार थान मिनी टिलर, ३० किलो मकैको बीउ र दुई थान विद्युतीय घट्ट (मिल) हस्तान्तरण गरिएको हो।

 बिहीबार आयोजित कार्यक्रममा गाउँपालिका अध्यक्ष लोकबहादुर मुक्तान र उपाध्यक्ष बालकुमार मल्लले संयुक्त रूपमा उपकरणहरू हस्तान्तरण गरेका हुन् । कार्यक्रममा वडाध्यक्ष सुर्यबहादुर ब्लाेन, प्रमुख प्रशासकीय अधिकृत अमुल श्रेष्ठ, कृषि शाखाका प्राविधिक सन्दीप कुशहवा तथा किसानहरूको उल्लेखनीय उपस्थिति रहेको थियो।

कृषि उपकरण तथा बीउ वितरणका लागि चार लाख रुपैयाँ बराबरको बजेट व्यवस्था गरिएकोमा, दुई लाख रुपैयाँ गाउँपालिकाबाट अनुदान स्वरूप र बाँकी दुई लाख कृषक समूहको सहभागितामा जुटाइएको हो।

प्राविधिक सन्दीप कुशहवाका अनुसार, वितरण गरिएका सबै ट्याक्टरहरू मिनी टिलर हुन्, जसले मकै खेतीका लागि आवश्यक जमिन तयारीमा सघाउनेछ। विद्युतीय घट्टले स्थानीय उत्पादन प्रशोधनमा मद्दत पुर्‍याउने अपेक्षा गरिएको छ।

गाउँपालिका अध्यक्ष मुक्तानले कृषिमा यान्त्रिकीकरण र अनुदानको माध्यमबाट उत्पादन वृद्धि र किसानको जीवनस्तर उकास्न पहल गरिएको बताए। उपाध्यक्ष मल्लले यस्ता कार्यक्रमले युवा पुस्तालाई कृषिमा आकर्षित गर्ने विश्वास व्यक्त गरे।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क