इन्फो नेपाल — सञ्चारको सञ्जाल

कैलाशमा अध्यक्ष कप फुटबल सुरु

हेटौँडा । मकवानपुरको कैलाश गाउँपालिकामा बुधबारदेखि तेस्रो अध्यक्ष कप अन्तर वडा फुटबल प्रतियोगिता सुरु भएको छ। गाउँपालिकाको आयोजनामा तथा खेलकुद विकास समितिको व्यवस्थापनमा सुरु भएको प्रतियोगिताको उद्घाटन गाउँपालिका अध्यक्ष लोकबहादुर मुक्तानले गरे।

वडा नं. ९, नामटारमा भएको पहिलो खेलमा वडा नं. ७ ले वडा नं. १ लाई २–१ गोल अन्तरले पराजित गर्दै विजयी सुरुआत गर्यो। खेलको पाँचौँ मिनेटमा वडा ७ का सन्तोष मुक्तानले पहिलो गोल गरेका थिए भने दोस्रो हाफको १९ औँ मिनेटमा सागर चेपाङले गोल थप्दै टिमको अग्रता दोब्बर बनाए। वडा १ का शिशिर नेगीले इन्जुरी समय (२५+२ मिनेट) मा गोल फर्काए पनि खेल ७ नं. वडाको पक्षमा टुंगियो। म्यान अफ द म्याच वडा ७ का सागर चेपाङ घोषित भए, जसलाई गाउँपालिका अध्यक्ष मुक्तानले ट्रफि प्रदान गरे।

दोस्रो खेलमा वडा नं. ४ ले पेनाल्टी सुटआउटमा वडा नं. २ लाई ५–४ गोल अन्तरले पराजित गर्दै जित हात पार्यो। निर्धारित समय १–१ गोलको बराबरीमा टुंगिएपछि खेल पेनाल्टी सुटआउटमा धकेलिएको थियो। खेलको म्यान अफ द म्याच वडा ४ का गोलरक्षक सबल प्रजा घोषित भए।

नकआउट चरणमा बिहीबार चार खेल हुनेछन्। पहिलो खेल वडा नं. १० र ६ बीच, दोस्रो खेल वडा नं. ५ र ३ बीच हुनेछ। तेस्रो खेल वडा नं. ७ र ९ तथा चौथो खेल वडा नं. ४ र ८ बीच हुने आयोजक समितिका संयोजक मोहन वाइवाले जानकारी दिए।

मैत्रीपूर्ण खेलमा कैलाशको जित

यसैबीच, कैलाश गाउँपालिकामा कार्यरत कर्मचारी र मकवानपुरगढी गाउँपालिकाका कर्मचारीबीच भएको मैत्रीपूर्ण फुटबल खेलमा कैलाश गाउँपालिका १–० गोल अन्तरले विजयी भयो। खेलमा कैलाशका रोजगार संयोजक हस्तराम नेगीले निर्णायक गोल गरेका थिए।

विजेतालाई ट्रफी र मेडल तथा उपविजेतालाई मेडल प्रदान गरिएको थियो। खेलकुद विकास समितिका संयोजक मोहन वाइवाको अध्यक्षता तथा गाउँपालिका अध्यक्ष लोकबहादुर मुक्तानको प्रमुख आतिथ्यतामा सम्पन्न खेल कार्यक्रममा पालिका उपाध्यक्ष बालकुमार मल्ल, प्रमुख प्रशासकीय अधिकृत अमुल श्रेष्ठ, मकवानपुरगढीका वरिष्ठ लेखा अधिकृत रामकृष्ण श्रेष्ठ लगायतको उपस्थिति रहेको थियो।

सम्बन्धित समाचार

मकवानपुरका पाँच गाउँपालिकासहित हेटौँडामा विद्यालय बन्द

हेटौँडा, ८ असोज । भारी वर्षासँगै बाढी, पहिरो तथा खोला–खहरेमा पानीको बहाव बढ्न सक्ने जोखिमलाई ध्यानमा राख्दै मकवानपुरका पाँच गाउँपालिका र हेटौँडा उपमहानगरपालिकाले विद्यालय बन्द गर्न…

इन्फो डेस्क

भोटेकोसी बाढीपीडितका लागि कैलाशले पाँच लाख दिने

कैलाश | मकवानपुरको कैलाश गाउँपालिकाले रसुवा जिल्लामा आएको भोटेकोशी बाढीबाट प्रभावित नागरिकको राहत तथा पुनःस्थापनामा सहयोग पुर्याउन प्रधानमन्त्री दैवीप्रकोप उद्धार कोषमा ५ लाख रुपैय…

इन्फो नेपाल संवाददाता

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

कैलाशमा स्वास्थ्य व्यवस्थापन सूचना प्रणालीसम्बन्धी तालिम सुरु

कैलाश। मकवानपुरको कैलाश गाउँपालिकामा कार्यरत स्वास्थ्यकर्मीलाई लक्षित गरी तीनदिने स्वास्थ्य व्यवस्थापन सूचना प्रणाली (एचएमआईएस) सम्बन्धी तालिम सुरु भएको छ। प्रेम सेवा समाजको आयोजना…

इन्फो नेपाल संवाददाता