इन्फो नेपाल — सञ्चारको सञ्जाल

खुम्बु क्षेत्रमा ११ महिनामा ५५ हजार पर्यटक भित्रिए

सोलुखुम्बु | चालु आर्थिक वर्ष २०८०/०८१ को ११ महिनामा खुम्बु क्षेत्रमा पर्यटक आगमनमा उल्लेखनीय वृद्धि भएको छ। सगरमाथा राष्ट्रिय निकुञ्जको तथ्यांक अनुसार, गत साउनदेखि जेठ मसान्तसम्म ५५ हजार ९ सय ७९ जना पर्यटकले यस क्षेत्रको भ्रमण गरेका छन्।

निकुञ्जका सूचना अधिकारी मनोजकुमार मण्डलले दिएको जानकारी अनुसार, कुल पर्यटक संख्यामध्ये ४८ हजार ४ सय २ जना विदेशी र ७ हजार ५ सय ७७ जना नेपाली रहेका छन्। यस अवधिमा सबैभन्दा बढी पर्यटक वैशाख महिनामा आएका छन्, जसमा ९ हजार ९ सय ७६ जनाले भ्रमण गरेका थिए। यसको विपरीत, साउन महिनामा मात्र २ सय ८ जना पर्यटकले क्षेत्रको भ्रमण गरेका थिए।

मण्डलका अनुसार, वैशाख महिना मुख्य पर्यटकीय सिजन भएकाले पर्यटकको चाप बढी देखिएको हो। साउन अफ सिजन भएकाले त्यस महिनामा पर्यटकको संख्या न्यून रहेको उनले बताए।

निकुञ्जले यस अवधिमा पर्यटक शुल्क बापत १३ करोड ६५ लाख ७ सय रुपैयाँ राजस्व संकलन गरेको छ। निकुञ्जले नेपाली पर्यटकबाट सय रुपैयाँ, सार्क राष्ट्रका नागरिकबाट १ हजार ५ सय रुपैयाँ र अन्य विदेशी पर्यटकबाट प्रतिव्यक्ति ३ हजार रुपैयाँ शुल्क लिने गरेको छ।

सगरमाथा राष्ट्रिय निकुञ्जको कार्यालय नाम्चेका अनुसार, यस अवधिमा ७ हजार ५ सय ७७ नेपाली, ६ हजार ३ सय ८ सार्क मुलुकका, र ४२ हजार ९४ अन्य देशका पर्यटकले खुम्बु क्षेत्रको भ्रमण गरेका छन्।

यी आँकडाहरूले खुम्बु क्षेत्रको पर्यटन उद्योग पुनरुत्थान भइरहेको र यसले स्थानीय अर्थतन्त्रमा महत्त्वपूर्ण योगदान पुर्‍याइरहेको देखाउँछ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क