इन्फो नेपाल — सञ्चारको सञ्जाल

घुस प्रकरणमा मुछिएका मन्त्री गुप्ताको राजीनामा

काठमाडौं | संघीय मामिला तथा सामान्य प्रशासनमन्त्री राजकुमार गुप्ताले घुस लिएको अडियो सार्वजनिक भएपछि सोमबार राजीनामा दिएका छन्। प्रधानमन्त्रीको निर्देशनपछि गुप्ताले सामाजिक सञ्जालमार्फत आफूले पद त्यागेको घोषणा गरेका हुन्।

सामाजिक सञ्जाल फेसबुकमा स्टाटस लेख्दै गुप्ताले आफूमाथि लागेको आरोपको निष्पक्ष छानबिनमा सहयोग पुगोस् भनेर राजीनामा दिएको उल्लेख गरेका छन्। ‘कहिलेकाहीँ नखाएको विष पनि लाग्दो रहेछ,’ उनले लेखेका छन्, ‘अब सत्यतथ्य बाहिर ल्याउन सहयोग पुगोस् भनेर सम्माननीय प्रधानमन्त्री समक्ष सामान्य प्रशासन मन्त्री पदबाट राजिनामा गरेको छु।’

प्रधानमन्त्री केपी शर्मा ओलीले सोमबार बिहान बालुवाटारमा बोलाएर २४ घण्टाभित्र राजीनामा दिन निर्देशन दिएका थिए। त्यसको केही घण्टामै उनले पदत्याग गरेका हुन्। गुप्ताले आफू ‘प्रविधिको उच्चतम प्रयोगको शिकार’ भएको दाबी गर्दै दोषी नभएको संकेत गरेका छन्।

केही दिनअघि गुप्ताको अडियो सार्वजनिक भएको थियो जसमा उनले सरकारी नियुक्ति र काम मिलाइदिने भन्दै रकम लिएको कुरा चर्चामा आएको छ। अडियोमा कास्कीमा भूमिसम्बन्धी नियुक्ति र पोखराको जग्गा मिलाउने प्रसंग समेत समेटिएको थियो। विपक्षी दलहरूले गुप्तामाथि कारबाहीको माग गर्दै आएका थिए।

गुप्तामाथि मालपोत कार्यालयका कर्मचारीसँग ‘सहयोग माग्ने’, नमान्नेहरूलाई मन्त्रालय सरेर पठाउने धम्की दिने गरेको आरोप समेत छ।

२०८१ असार ३१ मा मन्त्री बनेका गुप्ता नेकपा एमालेबाट पर्सा–३ बाट प्रतिनिधिसभा सदस्य निर्वाचित भएका थिए। उनले मन्त्री भएको एक वर्ष पुगेको दिन नै राजीनामा दिएका हुन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क