इन्फो नेपाल — सञ्चारको सञ्जाल

जंगलमा घाँटी रेटिएको अवस्थामा भेटिएका ओभरसियरको मृत्यु

डडेलधुरा । डडेलधुरामा घाँटी रेटिएको अवस्थामा जंगलमा भेटिएका ओभरसियर डम्वरदेव भट्टको मृत्यु भएको छ । आज (शनिबार) डडेलधुराको अमरगढी नगरपालिका–५ का ४५ वर्षीय भट्ट घाँटीमा चक्कुले रेटिएको अवस्थामा भेटिएका हुन् ।

उनी घर नजिकैको जंगलमा फेला परेको जिल्ला प्रहरी कार्यालय डडेलधुराका प्रमुख (डीएसपी) दीपक कार्कीले जानकारी दिए । घटनास्थलमा चक्कु पनि भेटिएको उनले बताए । डम्बर हिजो बेलुका ६ बजेदेखि हराएका थिए । खोजतलासका क्रममा उनी बिहान घाँटी रेटिएको अवस्थामा फेला परेका हुन् ।

उपचारका लागि उनलाई डडेलधुरा अस्पतालले धनगढी रेफर गरेको थियो । धनगढीमा उपचारकै क्रममा ओभरसियर भट्टको मृत्यु भएको उद्योग वाणिज्य संघ डडेलधुराका अध्यक्ष द्विजराज भट्टले जानकारी दिए । सब ओभरसियर उनी निर्माण व्यवसायी समेत हुन् । निर्माण कार्य सम्पन्न गरिसक्दा समेत सम्बन्धित कार्यालयले भुक्तानी नदिएपछि उनी आर्थिक समस्यामा रहेको आफू निकट साथीहरूलाई बताउँदै आएका थिए । आर्थिक अवस्था खस्किँदै गएपछि उनी केही तनावमा रहेको कुरा खुल्न आएको छ ।

उनले आर्थिक तनाव सहन नसकेर आत्महत्याको प्रयास गरेको हुन सक्ने जनाएको छ । रातिसम्म घर नफर्किएपछि उनका आफन्तले खोजी गरेको तर नभेटिएको जनाए । उनी आज बिहान मात्रै चक्कुले घाँटी रेटेको र रकताम्य अवस्थामा भेटिएका थिए । घटनाबारे अनुसन्धान भइरहेको प्रहरीले जनाएको छ । उनको शव अहिले डडेलधुरा ल्याउने आफन्तले जनाएका छन् ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क