इन्फो नेपाल — सञ्चारको सञ्जाल

जेन–जी दमन प्रकरणमा ओलीसहित पाँच उच्च अधिकारीको पासपोर्ट रोक्का

हेटौँडा | जेन–जी आन्दोलनमाथि भएको दमनको छानबिनकै क्रममा सरकारले पूर्वप्रधानमन्त्री केपी शर्मा ओलीसहित पाँच उच्च पदस्थ व्यक्तिको पासपोर्ट रोक्का गर्ने निर्णय गरेको छ। सरकारको यो कदमलाई मुलुकको पछिल्लो राजनीतिक परिस्थितिमा निकै महत्वपूर्ण मानिएको छ।

आन्दोलनमाथि भएको गोली प्रहारमा १९ जनाको ज्यान गएको घटनापछि बनेको छानबिन आयोगको सिफारिसमा उनीहरूलाई तत्काल विदेश जान नपाउने गरी पासपोर्ट रोक्का गरिएको हो। गृह मन्त्रालयले उनीहरूलाई अनुमतिविना काठमाडौं उपत्यका बाहिर जानसमेत रोक लगाएको छ।

पासपोर्ट रोक्का हुने सूचीमा पूर्वप्रधानमन्त्री ओलीसँगै तत्कालीन गृहमन्त्री रमेश लेखक, गृहसचिव गोकर्णमणि दुवाडी, राष्ट्रिय अनुसन्धान विभागका प्रमुख हुतराज थापा र तत्कालीन काठमाडौं प्रमुख जिल्ला अधिकारी छवि रिजाल छन्।

गत २३ भदौमा भएको जेन–जी आन्दोलनलाई नियन्त्रणमा लिन प्रहरीले गोलीसहितका घातक हतियार प्रयोग गर्दा १९ जनाको मृत्यु भएको थियो। प्रधानमन्त्री ओलीले आफूले गोली चलाउन निर्देशन नदिएको दाबी गर्दै आएका छन्। तर, त्यतिबेलाको गृह मन्त्रालयको निर्देशनमा ‘जसरी पनि भीडलाई संसद भवनतर्फ जानबाट रोक्नु’ भनिएको उल्लेख छ। सोही आदेशअनुसार तत्कालीन प्रमुख जिल्ला अधिकारी रिजालले गोली चलाउन आदेश दिएको निष्कर्ष आयोगले निकालेको छ।

सरकारको यो निर्णयले घटनामा उच्च तहसम्मको राजनीतिक र प्रशासनिक जिम्मेवारी औंल्याउने संकेत गरेको विश्लेषकहरूको भनाइ छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क