इन्फो नेपाल — सञ्चारको सञ्जाल

डाक्टर बनेर उपचार गर्ने बहानामा ठगी र लुटपाट गर्ने युवक पक्राउ

मधेश | आफूलाई डाक्टरको रूपमा प्रस्तुत गरी ठगी र लुटपाट गर्दै आएका एक युवक पक्राउ परेका छन्। महोत्तरीको जलेश्वर नगरपालिका–२ हरिटोल स्थायी ठेगाना भई हाल ललितपुर महानगरपालिका–१७ ग्वार्को बस्ने ३० वर्षीय डा. आलोक भन्ने जितेन्द्र मण्डललाई प्रहरीले पक्राउ गरेको हो।

जितेन्द्रले आफूलाई डा. आलोक पाण्डे भनेर सामाजिक सञ्जालमा नक्कली आइडी बनाएका थिए। उक्त आइडीमार्फत उनले विभिन्न व्यक्तिहरूसँग चिनजान गरी ‘सुगर रोगको उपचार गर्छु’ भन्दै बिरामीको घरमा गएर औषधि खुवाई बेहोस बनाउने र त्यसपछि लुटपाट गर्ने गर्थे।

ललितपुरमा एक व्यक्तिको घरमा उपचारका लागि पुगेका मण्डलले बिरामीलाई औषधि दिएर बेहोस बनाएर सुन, चाँदीका गरगहनाहरू र नगद तीन लाख रुपैयाँ चोरी गरेको काठमाडौं अपराध अनुसन्धान कार्यालयका एसपी काजी आचार्यले बताएका छन्।

घटना पश्चात फरार रहेका मण्डललाई प्रहरीले नुवाकोटको पञ्चकन्या गाउँपालिका–४ आरुखर्कबाट पक्राउ गरेको हो। उनको साथबाट नगद ५९ हजार ३६० रुपैयाँ र तीनवटा मोबाइल बरामद गरिएको छ।

प्रारम्भिक अनुसन्धानका क्रममा उनले उपचारको नाममा कतिपय व्यक्तिहरूलाई यौन दुर्व्यवहारसमेत गरेको खुलेको छ। आफूलाई चिकित्सकको रूपमा प्रस्तुत गरी ठगी र लुटपाट गर्दै आएको तथ्य प्रहरीले उजागर गरेको छ।

सामाजिक सञ्जालमार्फत अपरिचित व्यक्तिहरूसँग विश्वास गर्दा यस्ता घटना दोहोरिन सक्ने भन्दै प्रहरीले सबैलाई सचेत रहन आग्रह गरेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क