इन्फो नेपाल — सञ्चारको सञ्जाल

त्रिशूलीमा खसेका दुवै बस अझै भेटिएनन्, ६५ यात्रु बेपत्ता

काठमाडौं | शुक्रबार बिहान सवा ३ बजे चितवनको भरतपुर महानगरपालिका-२९ स्थित नारायणगढ-मुग्लिन सडकखण्डको सिमलतालमा पहिरोले सोहोरेर त्रिशूलीमा खसेका दुवै यात्रुबस अझै भेटिन सकेका छैनन्। घटनाको लगभग १२ घण्टा बितिसक्दा पनि बस र यात्रुहरूको अवस्था अज्ञात नै छ।

खोजी कार्यमा संलग्न सुरक्षाकर्मीहरूले पहिरोले सोहोरेको स्थानमा बसका टुक्रा, शिशासहित केही अवशेष भेटाए पनि त्रिशूलीमा खसेर डुबेका दुवै बस र त्यसमा सवार यात्रुहरू भेटिन सकेका छैनन्। त्रिशूलीमा आएको बाढीले पानीको करेन्ट एकदमै कडा भएकाले गोताखोर र अन्य सुरक्षाकर्मीहरूले खोजीमा निकै कठिनाई भोगिरहेका छन्।

नेपाली सेना र सशस्त्र प्रहरीका गोताखोर टोलीहरूले मोटरबोट र र्‍याफ्टबोट प्रयोग गरेर खोजी गरिरहेका छन्। खोजीका क्रममा एउटा हुक त्रिशूलीको सतहमा अड्किए पनि पानी धमिलो भएकाले त्यो बसको भाग हो वा अन्य केही भन्ने एकिन हुन सकेको छैन।

घटनास्थलमा तीनै सुरक्षा निकायका गरी २०० जना सुरक्षाकर्मी परिचालित छन्। सशस्त्र प्रहरी बल नेपाल १७ गण चितवनबाट ४५ जना र विपद् व्यवस्थापन तालिम शिक्षालयबाट ७ जना गोताखोर खोजी कार्यमा संलग्न छन्।

चितवनका प्रमुख जिल्ला अधिकारी इन्द्रदेव यादवका अनुसार दुवै बसमा चालकसहित ६५ जना सवार रहेको अनुमान गरिएको छ। काठमाडौँबाट गौर गइरहेको गणपति डिलक्सको बस र वीरगञ्जबाट काठमाडौँ जाँदै गरेको एन्जल डिलक्स बस पहिरोसहित त्रिशूलीमा खसेका थिए।

बिहानभरी खोज्दा पनि बस र यात्रुहरू नभेटिएपछि अहिले सुरक्षाकर्मीहरू समीक्षा र नयाँ उपायको खोजीमा लागेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क