इन्फो नेपाल — सञ्चारको सञ्जाल

थापाथलीमा डोजरको तयारी, हेटौँडाको सिमलटारमा त्रास

हेटौँडा | काठमाडौंको थापाथलीसहित विभिन्न स्थानका सुकुमबासी बस्ती खाली गराउने सरकारी तयारीसँगै हेटौँडा–११ को सिमलटारका बासिन्दामा पनि त्रास बढेको छ । स्थानीय प्रशासनले थापाथली क्षेत्र शुक्रबार साँझसम्म खाली गर्न अल्टिमेटम दिएपछि त्यहाँ धमाधम सामान सार्ने काम भइरहेका बेला सिमलटारका भूमिहीन सुकुमबासीहरू आफूहरूमाथि पनि यस्तै हस्तक्षेप हुने हो कि भन्ने चिन्तामा छन् ।

बागमती प्रदेशको राजधानी हेटौँडा उपमहानगरपालिका–११ मा रहेको सिमलटार २ हजार ३ सयभन्दा बढी घरधुरी भएको ठूलो सुकुमबासी बस्ती हो । तीन दशकदेखि बसोबास गर्दै आएका यहाँका बासिन्दासँग आफूले चर्चेको जग्गाको लालपुर्जा छैन । पक्की सडक, खानेपानी, बिजुली र ढल निकास पुगे पनि लालपुर्जा नहुँदा घरजग्गा धितो राखेर ऋण लिन नपाएको उनीहरूको गुनासो छ ।

स्थानीय सुमित्रा विश्वकर्मा २०५० सालदेखि त्यहीँ बस्दै आएकी छन् । जग्गाको नापी सकिएर निस्सा समेत पाइसकेको अवस्थामा अहिले आएर उठीबास लाग्ने डर पैदा भएको उनले बताइन् । “लालपुर्जा पाउने आशामा बसेका हामीलाई विकल्पबिनै हटाउन खोज्नु अन्याय हो,” उनले भनिन्, “यहीँको पुर्जा दिनुपर्छ, होइन भने व्यवस्थित स्थानान्तरणको ग्यारेन्टी गर्नुपर्छ ।”

उनका अनुसार बिजुली र खानेपानी जस्ता आधारभूत सुविधा पाउन लामो संघर्ष गर्नुपरेको थियो । अहिले त्यहीँबाट हट्नुपर्ने अवस्था आउला भन्ने डरले बस्तीमा चिन्ता बढेको छ । “वास्तविक सुकुमबासीलाई झिटीझाम्टा बोकेर सडकमा ल्याउने काम सरकारले गर्नु हुँदैन,” उनले भनिन् ।

सिमलटारकै पञ्चलाल तामाङ २०५२ सालदेखि उक्त क्षेत्रमा बस्दै आएका छन् । सरकारले उचित व्यवस्थापनबिना बस्ती हटाउन खोज्नु अमानवीय हुने उनको भनाइ छ । “हामी पनि यही देशका नागरिक हौँ । खोलाको बगर बाँधेर बस्न योग्य बनाएका हौँ,” उनले भने, “हुकुमबासी र सुकुमबासी फरक हुन् । वास्तविक भूमिहीनलाई बास, गाँस र कपासको ग्यारेन्टी सरकारले गर्नुपर्छ ।”

राष्ट्रिय भूमि अधिकार मञ्च नेपाल, हेटौँडाका नगर अध्यक्ष गोविन्दप्रसाद न्यौपानेले सरकारले वर्षौंदेखि बसोबास गरिरहेका क्षेत्रमा बाटो, बिजुली, खानेपानी र विद्यालय बनाइसकेको अवस्थामा बस्ती हटाउन खोज्नु अपरिपक्व निर्णय भएको बताए । उनले लालपुर्जा वितरणमार्फत स्थायी समाधान खोज्नुपर्नेमा जोड दिए ।

सिमलटार टोल विकास संस्थाका अध्यक्ष देवकृष्ण थोकरका अनुसार २०५२ साल पुस ६ गतेदेखि बसोबास सुरु भएको उक्त बस्तीमा ठेलागाडा चलाउने, रिक्सा तान्ने र गिट्टी कुट्ने जस्ता विपन्न मजदुरहरूको बसोबास छ । हाल लालपुर्जा वितरणको प्रक्रिया अन्तिम चरणमा पुगेको र छिट्टै विवरण भूमि आयोगमा पठाइने उनले बताए ।

हेटौँडा उपमहानगरपालिकाकी प्रमुख मीना कुमारी लामा ले विकल्प र व्यवस्थापनबिना सुकुमबासी बस्ती हटाउन नसकिने बताइन् । उनका अनुसार हालसम्म संघीय सरकारबाट हेटौंडाको बस्ती हटाउनेबारे कुनै ठोस निर्देशन आएको छैन ।

“हेटौँडामा सुकुमबासीको समस्या सानो छैन । हजारौँ मानिस बसिरहेका छन् । कुनै तयारीबिना हटाउँदा ठूलो मानवीय संकट निम्तिन सक्छ,” उनले भनिन्, “उचित बसोबासको ग्यारेन्टी नगरी मानिसलाई सडकमा ल्याउन सकिँदैन ।” उनले संघीय सरकारसँग थप छलफल गरेर मात्रै समाधान खोजिने बताइन् ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क