इन्फो नेपाल — सञ्चारको सञ्जाल

दुई छोरी र एक छोरालाई छोडेर बेपत्ता भएकी श्रीमतीको खोजीमा श्रीमान

हेटौँडा | वैदेशिक रोजगारीका लागि कुवेत गएकी मकवानपुरकी एक महिला नेपाल फर्किएपछि सम्पर्कविहीन भएकी छन्। श्रीमती हराएपछि उनका श्रीमानले जिल्ला प्रहरी कार्यालय मकवानपुरमा निवेदन दिँदै खोजतलास गरिदिन आग्रह गरेका छन्।

भीमफेदी गाउँपालिका–२ का ३६ वर्षीय रामकृष्ण बैरेलीका अनुसार उनकी ३१ वर्षीया श्रीमती श्रिजना बैरेली १६ महिनाअघि रोजगारीका लागि कुवेत गएकी थिइन्। तर, गत जेठ १५ गते त्रिभुवन अन्तर्राष्ट्रिय विमानस्थल हुँदै नेपाल फर्किएपछि उनी घर नफर्किएकी र सम्पर्कमा समेत नरहेको उनले बताए।

रामकृष्णका भनाइअनुसार श्रिजनालाई पछिल्लो पटक राक्सिराङ गाउँपालिकाका बलराम घिमिरेसँग ‘सन्तोष घिमिरे’ नामको टिकटक अकाउन्टमा देखिएको थियो। “टिकटकमा उनी बलरामसँगै रहेको भिडियो आएको थियो तर पछि ती भिडियोहरू हटाइए। त्यसपछि थप जानकारी पाउन गाह्रो भएको छ,” उनले भने।

तीन सन्तानका बाबु रामकृष्ण हाल काठमाडौंमा मजदुरी गर्दै जीवन चलाइरहेका छन्। उनका दुई छोरी १५ र १३ वर्षकी छन् भने छोरा ८ वर्षको छ। “श्रीमती सम्पर्कविहीन भएपछि घरमा बच्चाहरू र आफैं मानसिक तनावमा परेका छौँ। सकेसम्म चाँडो खोजी गरिदिन सबैलाई आग्रह गर्दछु,” उनले अपिल गरे।

जिल्ला प्रहरी कार्यालय मकवानपुरले निवेदन दर्ता गरी खोजतलासको प्रक्रिया अघि बढाइएको जनाएको छ।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते