इन्फो नेपाल — सञ्चारको सञ्जाल

दुहवीका युवकको विराटनगरमा हत्या

सुनसरी | सुनसरीको दुहवी घर भएका एक जना युवकको विराटनगरमा हत्या भएको छ ।

सुनसरीको दुहवी नगरपालिका–१२ का २३ वर्षीय अक्लेशकुमार यादवको हत्या भएको हो । मोरङ प्रहरीका प्रवक्ता डीएसपी ज्ञानेन्द्रबहादुर बस्नेतका अनुसार अक्लेश विराटनगर महानगरपालिका–४ इक्राहीस्थित रामलोचन यादवको घरमा पाहुना आएका थिए । रामलोचन अक्लेशका ठुलोबुवा रहेको प्रहरीले जनाएको छ । ठुलीआमाकी छोरी ९बहिनीको बिहेमा आएका बेला विराटनगर–४ का २४ वर्षीय गणेश यादवले चक्कु प्रहार गरेर अक्लेशको हत्या गरेको बस्नेतको भनाइ छ ।

अक्लेशका ठुलोबुवा रामलोचन र गणेश छिमेकी हुन् । बिहेको कार्यक्रम सकिएपछि गणेश र अक्लेशबीच सामान्य विवाद र भनाभन भएको पाइएको छ । उनीहरु बीचमा भएको विवादको कारण भने पत्ता लाग्न बाँकी छ ।

विवादपछि मोटरसाइकल चढेर आफ्नो घरतर्फ जाने तयारी गरिरहेका अक्लेशलाई बुधबार राति १० बजेतिर गणेशले चक्कु प्रहार गरेको प्रहरीले जनाएको छ । चक्कु प्रहारबाट बायाँ कोखामा चोट लागेर अवस्था गम्भीर बनेका अक्लेशलाई उद्धार गरी उपचारका लागि नोबेल शिक्षण अस्पताल पुर्याइएको थियो ।

अक्लेशको उपचारकै क्रममा बिहीबार अक्लेशको मृत्यु भएको हो । घटनामा संलग्न गणेश फरार छन् । फरार रहेका उनको खोजी भइरहेको प्रहरीले जनाएको छ । अक्लेशको शवलाई पोस्टमार्टमका लागि कोशी अस्पताल लगिएको प्रहरीले जनाएको छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क