इन्फो नेपाल — सञ्चारको सञ्जाल

देश जलाउने र कुशासन चलाउने शक्ति निर्वाचनमा पराजित हुन्छन् : प्रचण्ड

रुकुम पूर्व | नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ले प्रतिनिधि सभा निर्वाचनमा देश जलाउने, भ्रष्टाचार र कुशासन फैलाउने तथा दमनकारी शक्तिलाई जनताले पराजित गर्ने बताएका छन्।

रुकुम पूर्वको चुनबाङमा शनिबार अपराह्न आयोजित जनभेटघाट तथा अन्तरक्रिया कार्यक्रमलाई सम्बोधन गर्दै संयोजक प्रचण्डले हालै सम्पन्न बङ्गलादेशको निर्वाचन परिणामबारे पनि टिप्पणी गरे।

उनले भने, “सिंहदरबार जलाइयो, संसद् भवन जलाइयो, सर्वोच्च अदालत जलाइयो। निजी सम्पत्ति र नागरिकका घरहरूमा आगो लगाइयो। अब आगजनी र ध्वंस मच्चाउने शक्तिहरू पराजित हुनेछन् र गणतन्त्र तथा परिवर्तनका पक्षधरहरू विजयी हुनेछन्।”

संयोजक प्रचण्डले बङ्गलादेशको निर्वाचनबाट सिक्नुपर्ने आवश्यकता रहेको उल्लेख गर्दै भने, “बङ्गलादेशमा पनि आगजनी गरियो। चुनावमा आगो लगाउनेहरू नै जित्छन् भनिन्थ्यो, तर परिणाम उल्टो आयो। नजलाउने र स्थिरता चाहने शक्तिहरू विजयी भए।”

उनले थपे, “सामाजिक सञ्जालमा ७५ लाख फलोअर्स भएको दाबी गर्नेहरू समेत तेस्रो स्थानमा सीमित भए। यहाँ पनि हल्ला र भ्रम फैलाउनेहरूको मूल्याङ्कन जनताले गरिसकेका छन्।”

संयोजक प्रचण्डले आगजनी, कुशासन, दमन र हिंसा मच्चाउने प्रवृत्तिलाई रोल्पा–रुकुमका जनताले राम्ररी चिनेको उल्लेख गर्दै भने, “तपाईंहरूले बुझिसक्नुभएको छ, अब देशभरिका जनताले पनि यस्ता शक्तिलाई चिन्नेछन्।”

कार्यक्रममा उनले रुकुम पूर्वलाई विकासको नयाँ मोडेलका रूपमा स्थापित गर्ने प्रतिबद्धता पनि व्यक्त गरे। “भरतपुर मोडेल तपाईंहरूले देख्नुभएकै छ। अब विकासको नयाँ मोडेल र समाजवादको नयाँ अभ्यास निर्माण गर्नेछौँ,” संयोजक प्रचण्डले भने।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क