इन्फो नेपाल — सञ्चारको सञ्जाल

धादिङको चरौंदीमा बस त्रिशूलीमा खस्यो, १८ जनाको मृत्यु, २६ घाइते

धादिङ| पोखराबाट काठमाडौँ आउँदै गरेको ग २ ख १४२१ नम्बरको यात्रुवाहक बस पृथ्वी राजमार्ग अन्तर्गत धादिङको बेनिघाट रोराङ गाउँपालिका–७, चरौंदी नजिकै त्रिशूली नदी किनारमा खस्दा १८ जनाको मृत्यु भएको छ।

मध्यरातमा भएको दुर्घटनामा १२ जना पुरुष र ६ जना महिलाको घटनास्थलमै मृत्यु भएको सशस्त्र प्रहरी बलका प्रवक्ता विष्णुप्रसाद भट्टले जानकारी दिए। मृतकमध्ये एक महिला र एक पुरुष विदेशी नागरिक रहेको खुलेको छ।

दुर्घटनामा परेका २६ जनालाई उद्धार गरी उपचारका लागि विभिन्न अस्पतालमा पठाइएको छ। केही घाइतेलाई स्थानीय स्वास्थ्य संस्थामा उपचार गरिएको छ भने अधिकांशलाई थप उपचारका लागि काठमाडौँ ल्याइएको छ।

प्रहरीका अनुसार बसमा कुल ४४ जना यात्रु सवार थिए। पोखराबाट २८ जना यात्रु चढेको प्रारम्भिक सूची प्राप्त भएको र बाँकी यात्रु बाटोको बीचबाट चढेको अनुमान गरिएको छ।

मध्यरातमा दुर्घटना भएकाले उद्धार कार्यमा केही कठिनाइ भए पनि जिल्ला प्रहरी, सशस्त्र प्रहरी बल, नेपाली सेना तथा स्थानीयवासीको सक्रियतामा सबै घाइतेको उद्धार सम्पन्न गरिएको छ। दुर्घटनाको कारणबारे थप अनुसन्धान भइरहेको प्रहरीले जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क