इन्फो नेपाल — सञ्चारको सञ्जाल

पुरस्कार माग्दै खेलाडी, पहल गर्ने मन्त्री महर्जनको आश्वासन

हेटौँडा | बागमती प्रदेशका युवा तथा खेलकुद मन्त्री मीनकृष्ण महर्जनलाई खेलाडी संघले नवौं राष्ट्रिय खेलकुद प्रतियोगितामा घोषणा भएको पुरस्कार उपलब्ध गराउन माग गर्दै ध्यानाकर्षण पत्र बुझाएको छ। बिहीबार हेटौंडा-६ स्थित युवा तथा खेलकुद मन्त्रालयमा खेलाडी संघका केन्द्रीय सदस्य अजित गुरुङ नेतृत्वको समूहले मन्त्री महर्जनलाई ध्यानाकर्षण पत्र बुझाएको हो।

गुरुङका अनुसार, २०७९ असोज २८ देखि कात्तिक ३ सम्म सम्पन्न नवौं राष्ट्रिय खेलकुद प्रतियोगितामा बागमती प्रदेशबाट प्रतिनिधित्व गरी पदक विजेता खेलाडीलाई नगद पुरस्कार दिने घोषणा भएको थियो। स्वर्ण, रजत र कास्य पदक विजेतालाई क्रमशः १ लाख, ७५ हजार र ५० हजार रुपैयाँ दिने घोषणा गरिएको थियो। तर, दुई वर्ष बितिसक्दा पनि पुरस्कार प्राप्त नभएकोले खेलाडीहरूमा निराशा छाएको उनले बताए।

खेलाडी संघले आगामी १०औं राष्ट्रिय खेलकुद प्रतियोगिता अगावै पुरस्कार वितरण गर्न माग गरेको छ। उक्त प्रतियोगितामा बागमती प्रदेशले २४ स्वर्ण, ४७ रजत र ७४ कास्य गरी १४५ पदक जितेको थियो।

खेलाडीहरूको मागलाई सम्बोधन गर्दै मन्त्री महर्जनले खेलाडीहरूको हित र प्रोत्साहनमा आफू प्रतिबद्ध रहेको बताए। उनले पुरस्कार रकमका लागि प्रदेश सरकारसमक्ष दबाब बढाउने र मुख्यमन्त्री तथा अर्थमन्त्रीसँग निरन्तर छलफल गरिरहेको जानकारी दिए। मन्त्री महर्जनले मन्त्रालयबाट स्पष्ट कार्ययोजना सहित पुनः मुख्यमन्त्री र अर्थ मन्त्रालयमा पत्राचार गरेर पुरस्कार रकम निकासाको पहल गर्ने आश्वासन दिए।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

आज बिहान काठमाण्डौ विश्वका प्रदूषित शहरहरुको सूचीमा ५औं स्थानमा

काठमाण्डौँ । काठमाण्डौ उपत्यकाको वायु प्रदूषण अस्वस्थकर स्तरमा पुगेको छ। अन्तर्राष्ट्रिय वायु प्रदूषण अनुगमन संस्था (आईक्यू एयर) ले आज बिहान सार्वजनिक गरेको तथ्याङ्कअनुसार काठमाण्ड…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

सरकार फेरिएको लामो समय बित्दासमेत बागमती प्रदेशसभाले पाएन सभामुख, बैठकसमेत अनिश्चित

मकवानपुर । बागमती प्रदेशमा नयाँ सरकार गठन भइसकेको लामो समय बितिसक्दासमेत प्रदेशसभाले अझै सभामुख पाउन सकेको छैन। मन्त्री पदको भागबण्डा मिलाउन सक्रिय दलहरूबीच सभामुख चयनको विषयमा सहम…

इन्फो डेस्क