इन्फो नेपाल — सञ्चारको सञ्जाल

बकैया र बागमतीमा सांसद राणा, स्थानीय समस्या सरकारसम्म पुर्‍याउने प्रतिबद्धता

हेटौँडा । राष्ट्रिय स्वतन्त्र पार्टी (रास्वपा)की प्रतिनिधिसभा सदस्य विदुषी राणाले ‘हामी आउँदैछौँ’ अभियानअन्तर्गत मकवानपुरको बकैया र बागमती गाउँपालिकामा स्थानीय नागरिकसँग अन्तरक्रिया गरेकी छन्।

बकैया गाउँपालिकामा आयोजित कार्यक्रममा स्थानीयवासीले सडक, खानेपानी, सिँचाइ, शिक्षा, स्वास्थ्य, कृषि, रोजगारी तथा सेवा प्रवाहसँग सम्बन्धित समस्या र सुझाव राखेका थिए।

राणाले स्थानीय तहबाट समाधान गर्न सकिने विषयमा सम्बन्धित पालिकासँग समन्वय गर्ने तथा संघीय सरकार र मन्त्रालयसँग सम्बन्धित विषय सम्बन्धित निकायसम्म पुर्‍याउन पहल गर्ने बताइन्।

“स्थानीयले राखेका विषय सम्बन्धित मन्त्रालय र निकायसम्म पुर्‍याउँछौँ। संसद्मा उठाउनुपर्ने विषय संसद्मा उठाउँछु,” उनले भनिन्।

यस्तै, बागमती गाउँपालिकामा भएको अन्तरक्रियामा भूमिहीन तथा सुकुम्बासीको लालपुर्जा, झोलुङ्गे पुल, सडक र अन्य स्थानीय पूर्वाधारका समस्या प्रमुख रूपमा उठेका थिए। राणाले ती विषयमा सरकार र सम्बन्धित निकायको ध्यानाकर्षण गराउने बताइन्।

यसअघि हेटौँडास्थित रास्वपा पार्टी कार्यालयमा आयोजित कार्यक्रममा उनले सरकारका पछिल्ला छ महिनाका काम तथा पार्टीले अघि सारेको ‘क्यान्डिडेट क्लब’बारे पनि जानकारी गराएकी थिइन्।

राणाका अनुसार क्यान्डिडेट क्लबमार्फत स्थानीय तहमा नेतृत्व गर्न चाहने योग्य, इमानदार र सक्षम व्यक्तिलाई प्रक्रियाबाट अघि ल्याउने उद्देश्य राखिएको छ। उम्मेदवार छनोटमा नातावाद, कृपावाद वा आर्थिक प्रभावभन्दा क्षमता र कामलाई प्राथमिकता दिनुपर्ने उनको भनाइ थियो।

हेटौँडासँग आफ्नो पारिवारिक तथा औद्योगिक सम्बन्ध रहेको उल्लेख गर्दै राणाले स्थानीय उद्योग, उत्पादन र रोजगारीका विषयलाई पनि प्राथमिकताका साथ उठाउने बताइन्।

रास्वपा मकवानपुरका सचिव बिशभ अधिकारीका अनुसार ‘हामी आउँदैछौँ’ अभियानको उद्देश्य सरकारका कामबारे नागरिकलाई जानकारी गराउनुका साथै स्थानीयस्तरका समस्या, गुनासा र सुझाव सङ्कलन गरी सांसदमार्फत सरकार, संसद् तथा सम्बन्धित निकायसम्म पुर्‍याउनु हो।

अभियानअन्तर्गत राणाले अब मकवानपुरगढी, भीमफेदी र इन्द्रसरोवर गाउँपालिकामा हुने कार्यक्रममा पनि सहभागिता जनाउने कार्यतालिका रहेको अधिकारीले जानकारी दिए।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते