इन्फो नेपाल — सञ्चारको सञ्जाल

बागमती प्रदेशका मुख्यमन्त्री बानियाँका प्रमुख राजनीतिक सल्लाहकारमा बुद्ध लामा नियुक्त

हेटौँडा । बागमती प्रदेशका मुख्यमन्त्री इन्द्रबहादुर बानियाँले नेपाली काँग्रेस मकवानपुर जिल्ला सभापति बुद्ध लामालाई प्रमुख राजनीतिक सल्लाहकार नियुक्त गरेका छन् । बिहीबार बसेको मन्त्रिपरिषद् बैठकले लामा नियुक्त गर्ने निर्णय गरेको हो।

प्रमुख राजनीतिक सल्लाहकारका रूपमा लामा राज्यमन्त्री सरहको सुविधा पाउनेछन्। लामाले २०३६ सालदेखि नेपाली काँग्रेसमार्फत् राजनीतिक यात्रा सुरु गरेका थिए। २०४२ को सत्याग्रह, २०४६ र २०६२/०६३ को जनआन्दोलनका क्रममा उनी पक्राउ परेर हिरासतमा समेत परेका थिए।

राजनीतिमा सक्रिय लामाले २०४८ सालमा हेटौँडा–४ को सचिव भएर आधिकारिक रूपमा काँग्रेसको गतिविधिमा प्रवेश गरेका थिए। त्यसपछि क्षेत्रीय सभापति हुँदै २०५२ सालमा मकवानपुर जिल्ला सदस्य बने। २०५४ को स्थानीय चुनावमा उनले हेटौँडा–४ को अध्यक्ष पदमा प्रतिस्पर्धा गरेका थिए।

पार्टीभित्र विभिन्न तहमा जिम्मेवारी सम्हाल्दै आएका लामा २०५७ मा मकवानपुर जिल्ला सहसचिव, २०६२ मा महाधिवेशन समिति सदस्य बने। पछि निरन्तर महासमिति सदस्य रहँदै उनले २०६३ सालमा मकवानपुर काँग्रेसको कोषाध्यक्षको भूमिका सम्हाले।

२०७२ सालमा इन्द्रबहादुर बानियाँ सभापति हुँदा लामा जिल्ला सचिव बनेका थिए। पछिल्लो अधिवेशन (२०७८) मा उनी मकवानपुर जिल्ला सभापतिमा निर्वाचित भएका थिए।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

पूर्वशिक्षामन्त्री सुमना श्रेष्ठले काठमाडौँ महानगरको मेयरमा उम्मेदवारी दिने

काठमाडाैँ । पूर्वशिक्षा, विज्ञान तथा प्रविधिमन्त्री सुमना श्रेष्ठले आगामी स्थानीय तह निर्वाचनमा काठमाडौँ महानगरपालिकाको मेयर पदमा उम्मेदवारी दिने घोषणा गरेकी छिन्। ​बुधबार सामाजिक…

इन्फो डेस्क