इन्फो नेपाल — सञ्चारको सञ्जाल

बागमती प्रदेशको नीति तथा कार्यक्रम २०८१/८२: समृद्धि र स्थायित्वतर्फको यात्रा

हेटौँडा | बागमती प्रदेश सरकारले आर्थिक वर्ष २०८०/८१ का लागि विविध क्षेत्रको समृद्धि र विकासलाई लक्ष्य गर्दै नयाँ नीति तथा कार्यक्रम सार्वजनिक गरेको छ। यस योजनामा शिक्षा, स्वास्थ्य, कृषि, पर्यटन, वन संरक्षण, र सामाजिक सशक्तिकरणलाई प्राथमिकता दिइएको छ।

यहाँ प्रस्तुत छन्, यस नीति तथा कार्यक्रमका मुख्य बुँदाहरू:

  • खानेपानी तथा सरसफाई: बहुउद्देश्यीय एकीकृत खानेपानी आयोजना सञ्चालन गरी लिफ्ट र ड्रप ट्युबवेल खानेपानी आयोजनाका लागि विद्युत सहुलियत प्रदान गरिनेछ।
  • कृषि र पशुपालन: सहकारी र कृषि समूहहरूसँग साझेदारी गर्दै उच्च पहाडी र हिमाली क्षेत्रमा चौंरी, भेडा, च्याङ्ग्रा पालनलाई प्राथमिकता दिइनेछ। दूध उत्पादन वृद्धि गर्न पशु आहार सुधार र स्थानीय तहसँग सहकार्यमा पशु नस्ल सुधार सेवा विस्तार गरिनेछ।
  • वन तथा वातावरण संरक्षण: वन अतिक्रमणको विवरण अद्यावधिक गरी पुनर्स्थापना गर्ने, वन अनुसन्धान तथा तालिम केन्द्रलाई प्रदेशस्तरीय बनाउने, र पारिस्थितिक प्रणालीको पुनर्स्थापना कार्यक्रम सञ्चालन गरिनेछ।
  • सार्वजनिक यातायात: सार्वजनिक यातायात क्षेत्रलाई समावेशी बनाउँदै व्यावसायिक महिला सवारी चालक प्रशिक्षणलाई निरन्तरता दिइनेछ।
  • आर्थिक सशक्तिकरण: स्वरोजगारमा संलग्न तथा वैदेशिक रोजगारीबाट फर्केका युवाहरूलाई उद्यमशीलतामा प्रोत्साहन गरिनेछ। गरिब परिवारको जीवनस्तर सुधार्न आयआर्जनका कार्यक्रम सञ्चालन गरिनेछ।
  • सामाजिक सशक्तिकरण: गृहिणी महिलालाई आर्थिक तथा सामाजिक रूपमा सशक्तीकरण गर्न गृहिणी महिला सशक्तीकरण कार्यक्रमलाई विस्तार गरिनेछ। यौनिक तथा लैङ्गिक अल्पसंख्यक समुदायका लागि सशक्तीकरणका कार्यक्रमहरू सञ्चालन गरिनेछ।
  • शिक्षा र अनुसन्धान: वन विज्ञान तथा वातावरण संरक्षण क्षेत्रमा अध्ययनरत विद्यार्थीहरुलाई अनुसन्धानमा प्रोत्साहित गरिनेछ। जैविक, भौतिक तथा मानवीय दृष्टिले महत्वपूर्ण जलाधार क्षेत्रहरूको संरक्षण तथा व्यवस्थापन गरिनेछ।
  • कानून प्रवर्द्धन: सबै नागरिकलाई कानूनको जानकारी पुर्याउन जनस्तरसम्म प्रचार-प्रसार गरिनेछ। साइबर सुरक्षा सचेतना अभिवृद्धि गर्दै साइबर अपराधबाट सुरक्षित गराउन नेपाल प्रहरीसँगको समन्वयमा कार्य गरिनेछ।
  • पर्यटन प्रवर्द्धन: बागमती प्रदेशका विभिन्न पर्यटकीय गन्तव्यहरूको प्रवर्द्धन गर्न पयाटन सूचना केन्द्र स्थापना गरिनेछ। कला, साहित्य, संगीत, भाषा, लिपि, बाजागाजा र नृत्यको प्रचारप्रसार माफत पर्यटन प्रवर्द्धन गरिनेछ।
  • सार्वजनिक स्वास्थ्य: विभिन्न स्वास्थ्य सेवा विस्तार र सुधार गर्न, स्थानिय स्वास्थ्य संस्था संग सहकार्य गर्दै स्वास्थ्य सेवाको पहुँचलाई बिस्तार गरिनेछ।

बागमती प्रदेशको नीति तथा कार्यक्रम २०८१/८२ ले प्रदेशको सर्वाङ्गिण विकासलाई प्राथमिकता दिएको छ। शिक्षा, स्वास्थ्य, कृषि, वन संरक्षण, सार्वजनिक यातायात, सामाजिक सशक्तिकरण, पर्यटन प्रवर्द्धन र कानूनी प्रणालीलाई मजबुत बनाउन विभिन्न कार्यक्रम र योजनाहरू अघि सारिएका छन्। यी कार्यक्रमहरूको सफल कार्यान्वयनले बागमती प्रदेशलाई आर्थिक, सामाजिक र सांस्कृतिक दृष्टिले समृद्ध बनाउन महत्वपूर्ण योगदान पुर्याउनेछ।

सम्बन्धित समाचार

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

आज बिहान काठमाण्डौ विश्वका प्रदूषित शहरहरुको सूचीमा ५औं स्थानमा

काठमाण्डौँ । काठमाण्डौ उपत्यकाको वायु प्रदूषण अस्वस्थकर स्तरमा पुगेको छ। अन्तर्राष्ट्रिय वायु प्रदूषण अनुगमन संस्था (आईक्यू एयर) ले आज बिहान सार्वजनिक गरेको तथ्याङ्कअनुसार काठमाण्ड…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

सरकार फेरिएको लामो समय बित्दासमेत बागमती प्रदेशसभाले पाएन सभामुख, बैठकसमेत अनिश्चित

मकवानपुर । बागमती प्रदेशमा नयाँ सरकार गठन भइसकेको लामो समय बितिसक्दासमेत प्रदेशसभाले अझै सभामुख पाउन सकेको छैन। मन्त्री पदको भागबण्डा मिलाउन सक्रिय दलहरूबीच सभामुख चयनको विषयमा सहम…

इन्फो डेस्क