इन्फो नेपाल — सञ्चारको सञ्जाल

बैशाख १९ देखि हेटौँडामा महिला गोल्डकप

हेटौँडा |  बैशाख १९ गतेदेखि हेटौँडाको गौरीटार रंगशालामा महिला गोल्डकप फुटबल प्रतियोगिता हुने भएको छ। मकवानपुर जिल्ला फुटबल संघको आयोजनामा हुने प्रतियोगितामा आठ टिमले प्रतिस्पर्धा गर्नेछन्।

संघले विगत ६ वर्षदेखि गर्दै आएको ‘सहीद स्मृति मकवानपुर राष्ट्रिय गोल्डकप’ प्रतियोगितालाई यसपटक महिला फुटबलमा रूपान्तरण गरिएको हो। संघका महासचिव छवी सुवेदीका अनुसार पछिल्लो समय महिला फुटबलप्रति चासो बढ्दै गएकाले महिला खेलाडीलाई प्रोत्साहन गर्न प्रतियोगिता महिला संस्करणमा गरिने निर्णय गरिएको हो।

प्रतियोगितामा नेपाल आर्मी, नेपाल पुलिस र एपीएफ जस्ता तीन विभागीय टिमसहित मकवानपुर, चितवन, सर्लाही, रौतहट र बाराका क्लबले सहभागिता जनाउनेछन्।

विजेता टोलीले ५ लाख रुपैयाँ नगद, ट्रफी र प्रमाणपत्र प्राप्त गर्नेछ भने उपविजेताले ३ लाख नगदसहित ट्रफी र प्रमाणपत्र पाउनेछ। प्रतियोगिताका सर्वोत्कृष्ट खेलाडीलाई स्कुटर पुरस्कार दिइनेछ।

प्रतियोगिता सञ्चालनका लागि करिब ६१ लाख रुपैयाँ खर्च लाग्ने आयोजकको अनुमान छ। प्रतियोगितामा आर्थिक सहयोग गर्न प्रदेश खेलकुद विकास परिषद्ले २० लाख र हेटौंडा उपमहानगरपालिकाले २५ लाख रुपैयाँ उपलब्ध गराउनेछ। यस्तै, मकवानपुरका १० वटा स्थानीय तह र अन्य संघसंस्थाहरू पनि प्रतियोगिताका प्रायोजकका रूपमा रहनेछन्।

https://infonepalonline.com.np/sports-news/52537/

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते