इन्फो नेपाल — सञ्चारको सञ्जाल

भदौँ १२ गते बिहीबारको भाग्यफल

आज वि.सं. २०८२ साल भदौँ १२ गते बिहीबार (इ.सं. २०२५ अगस्ट २८) हो। आज सूर्योदय बिहान ५:४१ बजे र सूर्यास्त बेलुकी ६:२७ बजे हुनेछ। तिथि पञ्चमी दिउँसो ३:५४ बजेसम्म रहनेछ र त्यसपछि षष्ठी सुरु हुनेछ। भाद्र शुक्लपक्षअनुसार आज चित्रा नक्षत्र बिहान ८:१५ बजेसम्म रहनेछ र त्यसपछि स्वाती नक्षत्र लाग्नेछ। योग शुक्ल दिउँसो १:५८ बजे सम्म रहनेछ, त्यसपछि ब्रह्म योग लाग्नेछ। करण बालव दिउँसो ३:५४ बजे सम्म रहनेछ र त्यसपछि कौलव हुनेछ। आज चन्द्रमा तुला राशिमा रहन्छ। वर्तमान ऋतु वर्षा ऋतु हो र अयन दक्षिणायनमा परेको छ।

♈︎ मेष (चु, चे, चो, ला, लि, लु, ले, लो, अ)

हरेक कामधन्दा र व्यवहारमा सरलता अनुभव हुनेछ। जीवनसाथीलाई फकाएर कुनै काम निकाल्नु छ भने अनुकूल समय छ। खेलकुद वा मनोरञ्जनमा अलमलिएर दिन सजिलै बित्न सक्छ, तर उज्ज्वल भविष्यका लागि अझ बढी मिहिनेत गर्नुपर्ने देखिन्छ। नयाँ मित्रता वा सम्बन्धबारे उत्सुकता बढ्नेछ तर कुनै प्रतिज्ञा नगर्नु उचित हुन्छ। आत्मीय मित्र वा विपरीतलिङ्गी सहकर्मीको सहयोगले सफलता मिल्नेछ। आज भाग्यबल ८५ प्रतिशत छ। शुभअङ्क–७, शुभरङ–रातो, शुभदिशा–पश्चिम। कुनै अति आवश्यक काम वा आकस्मिक यात्रा गर्नुपरेमा “ॐ कुलपूजितायै नमः” मन्त्र कम्तीमा ११ पटक जाप गरी प्रारम्भ गर्नु लाभदायी हुनेछ।

♉︎ बृष (इ, उ, ए, ओ, बा, बि, बु, बे, बो)

गल्ती वा कमजोरीलाई आधार बनाएर प्रतिद्वन्द्वीले होच्याउने सम्भावना भएकाले काम गर्दा विशेष सतर्कता आवश्यक छ। एकान्तमा बस्ने तथा दुःखसुख बाँड्ने अवसर मिल्नेछ। तर हठ र जिदका कारण केही असहजता आउन सक्छ। लेनदेन, उठ्ती वा ऋण–सापटीका कारण चिन्ता बढ्न सक्छ। पारिवारिक विषयमा चासो देखाउनु लाभदायी हुन्छ। आज भाग्यबल ८० प्रतिशत छ। शुभअङ्क–६, शुभरङ–गुलाबी वा सिन्दुरे, शुभदिशा–दक्षिण। आकस्मिक काम वा यात्रा अघि “ॐ सर्वरोगहराय नमः” मन्त्र कम्तीमा १० पटक जाप गर्नुपर्छ।

♊︎ मिथुन (का, कि, कु, घ, ङ, छ, के, को, ह)

सांसारिक सुखतर्फ आकर्षण बढ्नेछ। कनिष्ठ सहयोगीको अभावमा काम प्रभावित भए पनि घरका सदस्य वा नातेदारबाट सहयोग पाउने सम्भावना छ। पारिवारिक वातावरण सुखदायी रहनेछ र पति–पत्नीबीच समझदारी कायम हुनेछ। छोराछोरीको खुसीका लागि केही गोप्य काम गर्नुपर्ने देखिन्छ। पढाइमा रुचि बढ्नेछ, रचनात्मक काम तथा अनुसन्धान गर्नेहरूलाई अवसर मिल्नेछ। आज भाग्यबल १०० प्रतिशत छ। शुभअङ्क–५, शुभरङ–पहेंलो, शुभदिशा–पूर्व। अति आवश्यक कार्य अघि “ॐ बृं बृहस्पतये नमः” मन्त्र १९ पटक जाप गर्न लाभ हुनेछ।

♋︎ कर्कट (हि, हु, हे, हो, डा, डि, डु, डे, डो)

मानसिक अस्थिरताको कारण काममा ढिलाइ हुनसक्छ। अत्यधिक दौडधूप हुने सम्भावना छ, सानो लापरवाहीले ठूलो क्षति ल्याउन सक्छ। सिनियरको आदेशलाई बेवास्ता गर्नु हुँदैन। घरायसी तनाव वा प्रेमसम्बन्धले कार्यक्षेत्र प्रभावित हुनसक्छ। भेटघाटमा असुविधा हुँदा भावुकता बढ्न सक्छ। आज भाग्यबल १५ प्रतिशत मात्र छ। शुभअङ्क–४, शुभरङ–सिम्रिक रातो, शुभदिशा–उत्तर। आकस्मिक काम अघि “ॐ बगलामुखीदेव्यै नमः” मन्त्र ९ पटक जाप गर्नु उपयुक्त हुन्छ।

♌︎ सिंह (मा, मि, मु, मे, मो, टा, टि, टु, टे)

उत्साह र साहस बढ्नेछ। यात्राबाट लाभ प्राप्त हुनेछ। सञ्चार माध्यमबाट शुभ समाचार पाउन सकिनेछ। कार्ययोजना र व्यवस्थापनमा समन्वय गर्दा थप लाभ हुनेछ, तर अर्काको जिम्मा छाडेर ध्यान विचलित गर्नाले काम बिग्रन सक्छ। पारिवारिक जीवन सुखद रहनेछ। आज भाग्यबल १०० प्रतिशत छ। शुभअङ्क–३, शुभरङ–गुलाबी वा सिन्दुरे, शुभदिशा–पश्चिम। आकस्मिक काम अघि “ॐ बक्रतुण्डाय हुम्” मन्त्र २१ पटक जाप गर्नु लाभदायी हुन्छ।

♍︎ कन्या (टो, प, पि, पु, ष, ण, ठ, पे, पो)

सागसब्जी वा चिसो सामानका व्यापारीका लागि राम्रो दिन छ। आम्दानी सहज भए पनि फजुल खर्च बढ्न सक्छ। ताजगी र स्फूर्ति बढ्नेछ। नयाँ परिकार बनाएर खाने–खुवाउने मन हुनेछ। माइतीपक्षसँग सम्पर्क बढ्नेछ। बोलीमा बल हुने भएकाले मौखिक अभिव्यक्ति वा कलामा सफलता मिल्नेछ। आज भाग्यबल १० प्रतिशत छ। शुभअङ्क–२, शुभरङ–पहेंलो, शुभदिशा–दक्षिण। आकस्मिक कार्य अघि “ॐ ग्रां ग्रीं ग्रौं सः गुरवे नमः” मन्त्र १९ पटक जाप गर्नु लाभदायी हुन्छ।

♎︎ तुला (र, रि, रु, रे, रो, ता, ति, तु, ते)

ऊर्जावान् र जीवन्त महसुस गर्ने दिन हो। शारीरिक संरचना वा व्यक्तित्वमा ध्यान जानेछ। पार्टनरप्रति अपेक्षा बढ्नेछ। व्यक्तिगत समस्या भए साझेदारीमा छलफल गर्दा समाधान खोज्न सकिन्छ। प्रेमसम्बन्धमा केही उतारचढाव आउन सक्छ। आज भाग्यबल ८० प्रतिशत छ। शुभअङ्क–१, शुभरङ–सेतो/खरानी, शुभदिशा–पूर्व। आकस्मिक कार्य अघि “ॐ द्रां द्रीं द्रौं सः शुक्राय नमः” मन्त्र ११ पटक जाप गर्नु लाभदायी हुन्छ।

♏︎ वृश्चिक (तो, ना, नि, नु, ने, नो, या, यि, यु)

धन–सम्पत्तिको सुरक्षामा सतर्कता अपनाउनु पर्नेछ। पठनपाठनमा अवरोध आउन सक्छ। दिक्दारी र चिडचिडोपनाले प्रभावित बनाउनेछ। एकाग्रता कमी हुने सम्भावना छ। बाहिरबाट सामान्य देखिए पनि भित्रभित्रै असन्तुष्टि बढ्नेछ। आज भाग्यबल ० प्रतिशत छ। शुभअङ्क–३, शुभरङ–रङ्गीबिरङ्गी, शुभदिशा–उत्तर। आकस्मिक कार्य अघि “ॐ कें केतवे नमः” मन्त्र ७ पटक जाप गर्नु उचित हुन्छ।

♐︎ धनु (ये, यो, भ, भि, भु, ध, फा, ढ, भे)

भाइबहिनी वा साथीलाई मार्गदर्शन दिन मन लाग्नेछ। बौद्धिक सामर्थ्यले समान विचारधाराका साथी आकर्षित हुनेछन्। मित्रता वा साझेदारीमा अनुकूल समय छ। आवेग नियन्त्रण गर्दै अनुशासन पालना गर्नु जरुरी छ। शत्रुबाट चुनौती भए पनि मिहिनेतले सफलता मिल्नेछ। आज भाग्यबल ९५ प्रतिशत छ। शुभअङ्क–२, शुभरङ–पहेंलो, शुभदिशा–पश्चिम। आकस्मिक कार्य अघि “ॐ गुं गुरवे नमः” मन्त्र १९ पटक जाप गर्नु लाभदायी हुन्छ।

♑︎ मकर (भो, ज, जि, खि, खु, खे, खो, गा, गि)

निजी काममा बढी समय खर्च गर्नुपर्नेछ। पार्टनरलाई समय दिन नसक्दा तनाव आउन सक्छ। वरिष्ठलाई खुशी बनाउन सकिनेछ। कारोबारबाट फाइदा मिल्नेछ। अचानक धन हातमा आउन सक्छ। नयाँ प्रस्ताव वा योजना अघि बढाउन उपयुक्त समय हो। आज भाग्यबल ७५ प्रतिशत छ। शुभअङ्क–१, शुभरङ–सेतो, शुभदिशा–दक्षिण। आकस्मिक कार्य अघि “ॐ कर्माधिष्ठातृदेवेभ्यो नमः” मन्त्र २१ पटक जाप गर्नु लाभदायी हुन्छ।

♒︎ कुम्भ (गु, गे, गो, सा, सि, सु, से, सो, द)

प्रेमसम्बन्ध अझ प्रगाढ बन्नेछ। असहायलाई सहयोग गर्दा मनमा सन्तुष्टि मिल्नेछ। परिवारसँग सम्पर्क बढाउने अवसर मिल्नेछ। व्यापार वा आर्थिक क्रियाकलापमा फाइदा हुनेछ। नयाँ ठाउँमा लगानी गर्ने सोच छ भने अघि बढ्न सकिनेछ। आज भाग्यबल ४० प्रतिशत छ। शुभअङ्क–९, शुभरङ–सेतो/खरानी, शुभदिशा–पूर्व। आकस्मिक कार्य अघि “ॐ दैत्यगुरवे नमः” मन्त्र ११ पटक जाप गर्नु लाभदायी हुन्छ।

♓︎ मीन (दि, दु, थ, झ, ञ, दे, दो, च, चि)

गोप्य विषयको जानकारी पाउने दिन हो। तर नकारात्मक सोचमा नफस्नुहोस्। आवेग नियन्त्रण गरी सावधानी अपनाउनु जरुरी छ। विशेष गरी सवारी चलाउँदा सतर्क रहनुपर्छ। अरुको लापरवाहीले आफैँलाई समस्या पर्न सक्छ। स्टाफबीच समन्वय अभाव भए बैठकमार्फत समाधान खोज्नु उचित हुन्छ। आज भाग्यबल १५ प्रतिशत छ। शुभअङ्क–८, शुभरङ–सेतो/पहेंलो, शुभदिशा–उत्तर। आकस्मिक कार्य अघि “ॐ देवपूजिताय गुरवे नमः” मन्त्र १९ पटक जाप गर्नु लाभदायी हुन्छ।

सम्बन्धित समाचार

मंसिर ४ गते शुक्रबारको भाग्यफल

वृष, कर्कट, तुला र मीन राशिका व्यक्तिका लागि पारिवारिक सुख, आर्थिक योजना र व्यक्तिगत सम्बन्धका दृष्टिले अनुकूल संकेत छन्। मेष, मिथुन, कन्या र धनु राशिका व्यक्तिले कामकाज, अध्ययन तथ…

ज्यो. प. धुर्वराज सुबेदी

मंसिर ३ गते बिहीबारको भाग्यफल

आज २०८३ साल मंसिर ३ गते बिहीबार। आज कात्तिक शुक्ल दशमी तिथि परेको छ। विश्व शौचालय दिवस, अन्तर्राष्ट्रिय पुरुष दिवस तथा विश्व दर्शनशास्त्र दिवस पनि आजै मनाइँदै छ। मंसिर महिनाको सुरु…

ज्यो. प. धुर्वराज सुबेदी

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मंसिर २ गते बुधबारको भाग्यफल

आज २०८३ साल मंसिर २ गते बुधबार। आज कात्तिक शुक्ल नवमीका अवसरमा कुष्माण्ड नवमी तथा अक्षय नवमी मनाइँदै छ। यस दिन अमलाको वृक्ष र भगवान् विष्णुको पूजा गर्ने धार्मिक परम्परा छ। हेटौँडाक…

ज्यो. प. धुर्वराज सुबेदी