इन्फो नेपाल — सञ्चारको सञ्जाल

भोजपुरमा बेमौसमी अकबरे खुर्सानी खेती प्रवर्द्धन अभियान सुरु

कोशी | भोजपुरको अरुण गाउँपालिकामा बेमौसमी अकबरे खुर्सानी उत्पादन प्रवर्द्धन गर्न विशेष कार्यक्रम सुरु गरिएको छ। स्थानीय कृषक तथा व्यवसायीहरूको सहकार्यमा यो अभियान अघि बढाइएको हो।

अरुण गाउँपालिका-७, जगरेमा श्रीकुमार राईले विगत एक वर्षदेखि वाभुक कृषि तथा माछा फर्म सञ्चालन गर्दै आइरहेका छन्। माछापालनसँगै उनले बेमौसमी अकबरे खुर्सानी खेतीलाई व्यावसायिक रूपमा अघि बढाइरहेका छन्। सोही योजनालाई थप प्रवर्द्धन गर्न गाउँपालिकाले स्थानीय किसानलाई उत्पादनदेखि बजारीकरणसम्म आवश्यक सहयोग उपलब्ध गराउने नीति लिएको छ।

फर्मका सञ्चालक श्रीकुमार राई नेपाली कांग्रेस अरुण गाउँपालिका सभापति पनि हुन्। उनको नेतृत्वमा नेपाली कांग्रेसका युवा नेताहरू राम आचार्य, ज्ञानेन्द्र दाहाल, ललित राई, लक्ष्मण राई लगायतको टिमले फर्म सञ्चालन गरिरहेको छ।

अरुण गाउँपालिकाका अध्यक्ष शालिकराम खत्रीका अनुसार स्थानीयस्तरमा कृषि उत्पादनलाई प्रवर्द्धन गरी आत्मनिर्भर अर्थतन्त्र निर्माण गर्ने लक्ष्य लिइएको छ। ‘‘कृषिलाई व्यावसायिक बनाउँदै रोजगारी सिर्जना गर्ने उद्देश्यका साथ यो अभियान अघि बढाइएको हो,’’ अध्यक्ष खत्रीले भने।

फर्मका सञ्चालक राईले राजनीतिलाई समाज सेवासँग जोडेर आर्थिक स्वावलम्बनमा जोड दिनु आवश्यक रहेको बताए। ‘‘राजनीतिमा संलग्न व्यक्तिहरूका लागि पारदर्शी आयश्रोत हुनु जरुरी छ। गरिखानका लागि वैकल्पिक व्यवसाय आवश्यक छ भन्ने अवधारणालाई व्यवहारमा लागू गर्न हामीले यो अभियान थालेका हौँ,’’ उनले भने।

बेमौसमी अकबरे खुर्सानी खेतीलाई थप प्रवर्द्धन गर्न किसानहरूलाई विशेष तालिम, उन्नत बीउबिजन, मलजल तथा आधुनिक प्रविधि उपलब्ध गराइने बताइएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क