इन्फो नेपाल — सञ्चारको सञ्जाल

भ्रष्टाचार गरेको भए म खोरमा हुन्थेँ : मन्त्री कुलमान घिसिङ

चितवन | ऊर्जा, जलस्रोत तथा सिँचाइ मन्त्री कुलमान घिसिङले नेपाल विद्युत् प्राधिकरणमा कार्यरत रहँदा आफूले कुनै पनि भ्रष्टाचार नगरेको स्पष्ट पारेका छन्। चितवनमा आयोजित जिल्लास्तरीय भेलामा उनले भने, “यदि मैले भ्रष्टाचार गरेको भए आज म प्रहरीको खोरमा हुन्थेँ।”

भरतपुरस्थित सेरेन होटलमा आयोजित कार्यक्रममा बोल्दै मन्त्री घिसिङले देश परिवर्तनको मुख्य बाटो राजनीति नै भएको उल्लेख गर्दै राजनीतिबाट नभाग्ने प्रतिबद्धता व्यक्त गरेका छन् । आफू राजनीति गर्न नभई देश परिवर्तन गर्न आएको उनको भनाइ थियो।

“सुशासनबिनाको देश कहिल्यै अगाडि बढ्दैन,” उनले भने, “हामी शासक बन्न आएका होइनौँ, सेवक बन्न आएका हौँ। भाषण गर्न होइन, डेलिभरी गर्न आएका हौँ।”

उनले २००७ सालदेखि हालसम्म नेपालमा विभिन्न राजनीतिक परिवर्तन भए पनि अपेक्षित आर्थिक प्रगति हुन नसकेको उल्लेख गरे। सोही अवधिमा चीन र भारतले ठूलो फड्को मारेको उदाहरण दिँदै उनले भने, “हाम्रो जिडिपी करिब ७५ गुणा बढ्दा भारतको १५० गुणा बढ्यो। व्यवस्थाभन्दा पनि नेतृत्व आवश्यक रहेछ।”

युरोपका उदाहरण प्रस्तुत गर्दै घिसिङले राजनीतिक र आर्थिक परिवर्तनका लागि दृढ नेतृत्वको भूमिका महत्त्वपूर्ण हुने बताए। अब युवाहरूले नेतृत्व लिनुपर्ने समय आएको उनको भनाइ थियो। “जब तपाईं सही बाटोमा हुन्छन्, विरोध आफैँ आउँछ। विरोध आउनु भनेको तपाईं अगाडि बढिरहनुभएको प्रमाण हो,” उनले भने।

चितवनबारे बोल्दै मन्त्री घिसिङले यस जिल्लालाई सम्भावनै–सम्भावनाले भरिएको आर्थिक केन्द्रका रूपमा चित्रण गरे। “चितवन नेपालको विकासको नमुना सहर बन्नुपर्छ,” उनले भने। राप्ती र नारायणी नदीले घेरिएको भौगोलिक अवस्थालाई अवसरका रूपमा उपयोग गर्न सकिने उल्लेख गर्दै उनले ठाउँ–ठाउँमा चेक ड्याम बनाएर कृषि, ऊर्जा र पर्यटन विकास गर्न सकिने धारणा राखे।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क