इन्फो नेपाल — सञ्चारको सञ्जाल

मकवानपुरमा जेठमै १६ आत्महत्या

हेटौँडा । मकवानपुरमा जेठ महिनामा मात्रै १६ जनाले आत्महत्या गरेको प्रहरी तथ्यांकले देखाएको छ । जिल्ला प्रहरी कार्यालय मकवानपुरको मासिक कार्यसम्पादन विवरणअनुसार आत्महत्या गर्नेमा १० महिला र ६ पुरुष छन् । तीमध्ये १८ वर्षभन्दा कम उमेरका ३ जना बालिका पनि रहेका छन् ।

मकवानपुरमा आत्महत्याको समस्या पछिल्लो समयदेखि नै चुनौतीका रूपमा देखिँदै आएको स्वास्थ्यकर्मीहरू बताउँछन् । आत्महत्या गरेर मृत्यु हुनेको तथ्यांक मात्र नभई आत्महत्याको प्रयासपछि उपचारमा आउने व्यक्तिहरूको अवस्थालाई पनि अध्ययन गर्नुपर्ने उनीहरूको भनाइ छ । मानसिक तनाव, डिप्रेसन, पारिवारिक समस्या, सामाजिक दबाब, आवेग र समयमै उपचार नपाउने अवस्थाले जोखिम बढाउन सक्ने बताइएको छ ।

हेटौँडा अस्पतालका मनोचिकित्सक डा. उद्धव लामाले आत्महत्यालाई गम्भीर मानसिक स्वास्थ्य समस्याका रूपमा बुझ्नुपर्ने बताए । उनका नुसार मानसिक तनाव र डिप्रेसनको समयमै उपचार हुन सके धेरै घटना रोकथाम गर्न सकिन्छ । “आत्महत्या गरेर मृत्यु हुनेको संख्या मात्र हेरेर हुँदैन । आत्महत्याको प्रयास गरेर उपचारमा आउने केस पनि धेरै हुन्छन् । त्यसको पनि तथ्यांक र विश्लेषण गरेर योजना बनाउनुपर्छ,” उनले बताए ।

डा. लामाका अनुसार आत्महत्याको सोच देखिएका व्यक्तिलाई काउन्सिलिङ, परिवारको निगरानी र आवश्यक परे औषधि उपचारसमेत चाहिन सक्छ । किशोरकिशोरीमा आवेगात्मक निर्णयको जोखिम बढी हुने भएकाले परिवारले गाली गर्नेभन्दा पनि सुन्ने, सम्झाउने र आवश्यक परे स्वास्थ्य संस्थासम्म पुर्‍याउनुपर्ने उनको सुझाव छ ।

जिल्ला प्रहरी कार्यालय मकवानपुरका प्रमुख प्रहरी उपरीक्षक माधव काफ्लेले पनि आत्महत्याको अवस्था चिन्ताजनक रहेको बताए । “जनचेतना मात्रले पुग्दैन, काउन्सिलिङ र नजिकबाट निगरानी आवश्यक हुन्छ,” उनले भने । विज्ञहरूले मानसिक तनाव वा निराशा भए परिवार, साथीभाइ, स्वास्थ्यकर्मी वा नजिकको प्रहरीसँग तत्काल सहयोग माग्न आग्रह गरेका छन् ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क