इन्फो नेपाल — सञ्चारको सञ्जाल

मकवानपुरमा १७ देखि २० गतेसम्म राति सडक आवागमन बन्द, उच्च सतर्कता अपनाउन आग्रह

हेटौँडा | असोज १७ आजदेखि २० गतेसम्म मकवानपुरमा मध्यमदेखि भारी वर्षाको सम्भावना रहेको भन्दै जिल्ला प्रशासन कार्यालयले उच्च सतर्कता अपनाउन आग्रह गरेको छ।

जल तथा मौसम विज्ञान विभागले असोज १५ मा जारी गरेको पूर्वानुमान बमोजिम असोज १७ देखि २० गतेसम्म निरन्तर वर्षा हुने सम्भावना रहेको प्रशासनले जनाएको छ। यसै क्रममा संभावित विपद् न्यूनिकरणका लागि जिल्लाभित्रका मुख्य सडकखण्डमा रात्रीकालीन सवारी आवागमन रोक्ने निर्णय गरिएको हो।

प्रशासनका अनुसार असोज १७ देखि २० गतेसम्म बेलुका ४ बजेदेखि बिहान ६ बजेसम्म हेटौँडाबाट ललितपुरतर्फ जाने कान्तिलोकपथमा सवारी चल्न नपाउनेछ। त्यस्तै, बेलुका ५ बजेदेखि बिहान ६ बजेसम्म हेटौँडा–भैसे मार्ग हुँदै काठमाडौं जाने सवारी पनि बन्द गरिनेछ।

प्रशासनले अत्यावश्यक कामबाहेक राति तथा टाढाको यात्रा नगर्न आम सर्वसाधारणलाई अनुरोध गरेको छ। साथै, पहिरोको उच्च जोखिममा रहेका बस्ती तथा नदी किनारमा बसोबास गर्ने नागरिकलाई विशेष सतर्कता अपनाउन सूचित गरिएको छ।

जिल्ला प्रशासन कार्यालयका प्रमुख स्किम श्रेष्ठका अनुसार, "संभावित विपद्‌का कारण धनजनको क्षति हुन नदिन सबै सुरक्षा निकाय, स्थानीय तह, टोल विकास समिति र स्वयंसेवक तयारी अवस्थामा रहन निर्देशन दिइएको छ।"

साथै विपद् प्रतिकार्यमा संलग्न हुने सबै निकायलाई जिल्ला विपद् व्यवस्थापन समिति र स्थानीय समितिसँग निरन्तर समन्वयमा रहन आग्रह गरिएको प्रशासनले जनाएको छ।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते