इन्फो नेपाल — सञ्चारको सञ्जाल

वडाध्यक्षको भैँसी मरेपछि केराबारीमा पशुपन्छी शाखा प्रमुखमाथि दण्ड

मोरङ | मोरङको केराबारी गाउँपालिकामा गलत तरिकाले औषधि खुवाउँदा वडाध्यक्षको भैँसी मरेको भन्दै पशुपन्छी शाखा प्रमुख सहदेव साहमाथि कामकारबाहीमा रोक लगाइएको छ।

उपचारको क्रममा भैँसी मरेपछि गाउँपालिकाले साहलाई हाजिर गर्न रोक लगाएको छ र छानबिन प्रक्रिया अघि बढाएको हो। गाउँपालिकाले कृषि तथा सहकारी शाखा प्रमुख टेकप्रसाद बाँस्तोलाको संयोजकत्वमा ३ सदस्यीय समिति गठन गरेको छ जसले घटनाको सत्यतथ्य पत्ता लगाउने र उपचारका क्रममा कुनै गल्ती भएको थियो कि होइन भन्ने जाँच गर्ने जिम्मेवारी पाएको छ।

समितिले घटनास्थलबाट मुचुल्का उठाएर मृत भैँसीको नमुना संकलन गरेको छ। परीक्षणको रिपोर्ट प्राप्त भएपछि थप कारबाही अघि बढाउने गाउँपालिकाको तयारी छ।

पशुपन्छी शाखाका प्रमुख साहले उपचारका क्रममा केराबारी गाउँपालिका–३ का वडाध्यक्ष रामचन्द्र शाहीको भैँसी मरेको बताइएको छ। भैँसी गत मंगलबार मरेको हो।

भैँसी मरेपछि वडाध्यक्ष शाही र केही गाउँलेहरूले गाउँपालिकामा ‘डेलिगेसन’ गरेका थिए। वडाध्यक्ष शाहीले क्षतिपूर्ति माग गर्दै गाउँपालिका र इलाका प्रहरी कार्यालय केराबारीमा निवेदन दिएका छन्। शुक्रबार प्रहरीले छलफल गरेको थियो, जसमा साहले आफूबाट कुनै गल्ती नगरेको दावी गरेका थिए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क