इन्फो नेपाल — सञ्चारको सञ्जाल

सरकार र निजीबीचको सहकार्यबाट मात्रै समृद्धि सम्भव छः महानिर्देशक भुसाल

हेटौँडा | आन्तरिक राजस्व विभागका महानिर्देशक डा भीष्मकुमार भुसालले राज्य र निजी क्षेत्रको सहकार्यबाट मात्रै मुलुकको समृद्धि सम्भव हुने बताउनुभएको छ ।

आन्तरिक राजस्व कार्यालय हेटौँडाको समन्वय तथा मकवानपुर उद्योग वाणिज्य सङ्घको आयोजनामा बुधबार हेटौँडामा भएको करसम्बन्धी छलफल कार्यक्रममा उहाँले उद्योग तथा वाणिज्य क्षेत्रबिना कुनै पनि मुलुक समृद्ध हुन नसक्ने बताउनुभयो ।

“नीतिगत परिमार्जन लेखेर मात्रै हुँदैन, निजी क्षेत्रबाट प्राप्त सुझाव र पृष्ठपोषण पनि उत्तिकै आवश्यक हुन्छ”, महानिर्देशक भुसालले भन्नुभयो, “यहाँ उठाइएका सबै विषयलाई महत्वका साथ सम्बोधन गरिने छ ।”

मकवानपुर उद्योग वाणिज्य सङ्घका अध्यक्ष प्रमोदसिंह रानाभाटले करसम्बन्धी समस्या समाधान तथा कर प्रशासनलाई व्यवसायीमैत्री बनाउन यस्ता छलफल उपयोगी हुने बताउनुभयो ।

कार्यक्रममा आन्तरिक राजस्व कार्यालय हेटौँडाका प्रमुख कर अधिकृत युक्तप्रसाद सुवेदी, सङ्घका वरिष्ठ उपाध्यक्ष दीपक उप्रेतीलगायतले यस क्षेत्रमा देखिएका समस्या र समाधानका उपायका विषयमा केन्द्रित रही सुझावसहितको धारणा राख्नुभएको थियो ।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते