इन्फो नेपाल — सञ्चारको सञ्जाल

हाइसको ठक्करबाट एकको ज्यान गयो

उदयपुर । उदयपुरमा हाइसको ठक्करबाट एकको ज्यान गएको छ  । उदयपुरको त्रियुगा नगरपालिका १० बोक्सेस्थित कोष तथा लेखा नियन्त्रक कार्यालय अगाडि सैनिक व्यारेक नजिक शनिवार बिहान ५ बजे हाइसको ठक्करबाट एक जना पेदल यात्रीको ज्यान गएको हो ।

जिल्ला प्रहरी कार्यालय उदयपुरका प्रहरी निरीक्षक सन्तोष कार्कीले दिएको जानकारी अनुसार त्रियुगा नगरपालिका वडा नं ११ चप्पन घर भएका ५५ वर्षका पवनसेर राई पैदल हिडिरहेको अवस्थामा गाईघाट दिक्तेल सडकको साउने खण्डमा पर्ने बोक्से करमगाछीतिरबाट गाईघाट बजारतिर जाँदै गरेको बा. प्र.०१- ००६- ख ५८७१ नं को गाईघाट काठमाडौँ चल्ने हायसले पछाडिबाट राईलाई ठक्कर दिएको थियो ।

हाइसको ठक्करबाट घाइते भएका राईलाई तत्कबालै प्रहरीले उद्धारगरी उपचारका लागि जिल्ला अस्पताल लगेकोमा बिहान ६.०५ बजे चिकित्सकले राईलाई मृत घोषणा गरेका थिए ।

दैनिक ज्याला मजदुरी गरेर जीविकोपार्जन गरिरहेका ज्यान गुमाएका राई शनिवार पनि मजदुरीकै सिलसिलामा त्रियुगा नगरपालिका वडा न. ९ स्थित गैरुनतिर जान लागेको बताइएको छ ।

राईलाई ठक्कर दिएर फरार रहेको हायसलाई खोजतलास गरेर प्रहरीले काठमाडौँ जाने क्रममा त्रियुगा नगरपालिका वडा नं ६ जलजलेमा रहेको इलाका प्रहरी कार्यालयले नियन्त्रणमा लिएर जिल्ला प्रहरी कार्यालयमा राखिएको छ भने सवारी दुर्घटना कसरी भयो सवारी कस्ले चलाएको थियो भन्ने विषयमा सवारी चालक तथा सहचालकलाई नियन्त्रणमा लिएर अनुसन्धान कार्य भइरहेको प्रहरी निरीक्षक कार्कीले बताए ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क