इन्फो नेपाल — सञ्चारको सञ्जाल

हेटौँडाबाट सुरु भयो ‘घरघरमै सेवा’: घरमै पुगेर दिइयो राहदानी

हेटौँडा । बालेन शाह नेतृत्वको सरकारले घोषणा गरेको ‘घरघरमै सरकारी सेवा’ कार्यक्रम कार्यान्वयनको सुरुवात हेटौँडाबाट भएको छ।

हेटौँडा स्थित जिल्ला प्रशासन कार्यालय मकवानपुर ले बुधबारदेखि हुलाकमार्फत राहदानी घरमै पुर्‍याउन सुरु गरेको हो। यो सेवा सरकारको सय दिने शासकीय सुधार कार्यक्रमअन्तर्गत अघि बढाइएको हो, जसमा पासपोर्ट, नागरिकता, लाइसेन्सलगायत सेवा घरदैलोमै उपलब्ध गराउने लक्ष्य राखिएको छ।

पहिलो चरणमा हुलाक कार्यालय मकवानपुर मार्फत ५० वटा राहदानी वितरणका लागि पठाइएकोमा सेवाग्राहीको घरमै पुगेर हस्तान्तरण सुरु गरिएको छ। हेटौँडा–४ का २२ वर्षीय निश्चल मानन्धरले घरमै राहदानी पाउँदा सेवा प्रभावकारी भएको प्रतिक्रिया दिएका छन्।

प्रमुख जिल्ला अधिकारी बसन्त अधिकारीका अनुसार सुरुवातमा हेटौँडा उपमहानगरपालिका क्षेत्रभित्र मात्र सेवा सञ्चालन गरिनेछ भने हालसम्म कार्यालयमा थन्किएका करिब ५ सय राहदानी पहिलो चरणमै घरघरमा पुर्‍याउने योजना छ।

सरकारले चैत १३ मा सार्वजनिक गरेको शासकीय सुधार कार्यसूचीअनुसार हुलाक सेवालाई ‘गभर्मेन्ट कूरियर सर्भिस’ का रूपमा विकास गरी १०० दिनभित्रै यस्ता सेवा देशभर विस्तार गर्ने लक्ष्य राखिएको छ। यसअन्तर्गत सेवाहरू छिटो, सहज, बिचौलियामुक्त तथा निश्चित समयभित्र उपलब्ध गराउने उल्लेख गरिएको छ।

साथै, सेवा प्रवाहलाई क्रमशः डिजिटल, ‘फेसलेस’ र समयबद्ध प्रणालीमा रूपान्तरण गर्ने तयारी पनि सरकारले अघि सारेको छ।

हाल स्रोत–साधन र सुरक्षा संवेदनशीलताका कारण अन्य पालिकामा सेवा विस्तार हुन नसकेको भए पनि आगामी दिनमा नागरिकता, राष्ट्रिय परिचयपत्र तथा सवारी चालक अनुमतिपत्र (लाइसेन्स) समेत घरमै उपलब्ध गराउने लक्ष्य राखिएको प्रशासनले जनाएको छ।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते