इन्फो नेपाल — सञ्चारको सञ्जाल

हेटौँडामा असार ५ देखि मेयर कप फुटबल प्रतियोगिता हुने

हेटौँडा । मकवानपुरको हेटौँडामा मेयर कप फुटबल प्रतियोगिता–२०८३ हुने भएको छ । हेटौँडा उपमहानगरपालिकाको आयोजना तथा हेटौँडा–१३ नम्बर वडा कार्यालयको समन्वयमा पदमपोखरीस्थित खेलमैदानमा प्रतियोगिता सञ्चालन हुने भएको हो ।

आइतबार आयोजित पत्रकार सम्मेलनमा हेटौँडा–१३ का वडाध्यक्ष पेम्बा लामाले प्रतियोगिता असार ५ गतेदेखि १२ गतेसम्म सञ्चालन हुने जानकारी दिए । उनका अनुसार प्रतियोगितामा हेटौँडा उपमहानगरपालिकाका १९ वटै वडाबाट टोली सहभागी हुनेछन् ।

प्रतियोगिताको विजेता टोलीले नगद २ लाख रुपैयाँसहित ट्रफी, मेडल र प्रमाणपत्र प्राप्त गर्नेछ । उपविजेता टोलीले नगद १ लाख रुपैयाँ प्राप्त गर्नेछ । त्यसैगरी प्रतियोगिताका सर्वोत्कृष्ट खेलाडीलाई २५ हजार रुपैयाँ नगद प्रदान गरिने आयोजकले जनाएको छ ।

विभिन्न विधाका उत्कृष्ट खेलाडी तथा प्रशिक्षकलाई समेत नगदसहित सम्मान गरिने आयोजक वडा खेलकुद विकास समितिका अध्यक्ष अमृत लुङ्बुले जानकारी दिए । प्रतियोगिता सञ्चालनका लागि करिब २० लाख रुपैयाँ खर्च हुने अनुमान गरिएको छ । जसमध्ये १० लाख रुपैयाँ हेटौँडा उपमहानगरपालिकाले उपलब्ध गराउनेछ ।

आयोजकका अनुसार प्रतियोगिताले स्थानीय स्तरमा फुटबल खेलको विकासमा सहयोग पुर्‍याउने अपेक्षा गरिएको छ । साथै वडास्तरबाट नयाँ तथा प्रतिभाशाली खेलाडी पहिचान र उत्पादनमा प्रतियोगिताले महत्वपूर्ण योगदान दिने आयोजकको विश्वास छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क