इन्फो नेपाल — सञ्चारको सञ्जाल

हेटौँडामा पाँचजना नक्कली परीक्षार्थी पक्राउ

हेटौँडा । मकवानपुरको हेटौँडामा सञ्चालित निःशुल्क छात्रवृत्ति परीक्षामा सहभागी भएका पाँचजना नक्कली परीक्षार्थी पक्राउ परेका छन्। सानोठिमी भक्तपुरद्वारा सञ्चालन भइरहेको डिप्लोमा प्रमाणपत्र तहको वर्गीकृत छात्रवृत्ति परीक्षामा यी नक्कली परीक्षार्थीहरू पक्राउ परेको मकवानपुर प्रहरीले जनाएको छ।

जिल्ला प्रहरी कार्यालय मकवानपुरका प्रमुख प्रहरी उपरीक्षक सीताराम रिजालका अनुसार, हेटौँडा उपमहानगरपालिका-४ स्थित भुटनदेवी माविबाट चारजना र हेटौँडा उपमहानगरपालिका-२ मा रहेको सिद्धार्थ माविबाट एकजना पक्राउ परेका हुन्।

सिद्धार्थ मावि परीक्षा केन्द्रबाट धनुषाका २० वर्षीय रमेश यादवलाई बाराका राकेशकुमार ठाकुरको नाममा परीक्षा दिइरहेको अवस्थामा पक्राउ गरिएको छ।

भुटनदेवी मावि परीक्षा केन्द्रबाट बाराका २० वर्षीय नरेन्द्र महतो, चितवनका १५ वर्षीय नाबालक रूपेश यादव, सर्लाहीका १८ वर्षीय राजीवकुमार राउत र रौतहटका १८ वर्षीय लालबाबु सहनी पक्राउ परेका छन्। यी सबैले अरू व्यक्तिहरूको नाममा परीक्षा दिइरहेको पाइएको छ।

प्रहरी उपरीक्षक रिजालका अनुसार, अर्काको नाममा परीक्षा दिनेहरू अधिकांश तराई-मधेशका रहेका छन्। पक्राउ परेका नक्कली परीक्षार्थीहरूलाई नियन्त्रणमा लिई आवश्यक अनुसन्धान प्रक्रिया अघि बढाइएको छ।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते