इन्फो नेपाल — सञ्चारको सञ्जाल

हेटौँडा कपडा उद्योग यसै वर्ष सञ्चालनमा ल्याइने

हेटौँडा । उद्योग, वाणिज्य तथा आपूर्तिमन्त्री गौरी कुमारीले रुग्ण अवस्थामा रहेको हेटौँडा कपडा उद्योग यसै वर्ष सञ्चालनमा ल्याइने बताएकी छन् । प्रतिनिधिसभाको आजको बैठकमा विनियोजन विधेयक, २०८३ अन्तर्गत उद्योग मन्त्रालयको विनियोजन शीर्षकमाथिको छलफलमा उठेका प्रश्नको जवाफ दिँदै उनले हेटौँडा कपडा उद्योग सञ्चालनलाई प्राथमिकतामा राखिएको जानकारी दिइन् ।

मन्त्री कुमारीका अनुसार हेटौँडा कपडा उद्योगसँगै बुटवल धागो उद्योग सञ्चालनका लागि पनि आवश्यक तयारी भइरहेको छ । लामो समयदेखि बन्द तथा रुग्ण अवस्थामा रहेका यी उद्योगलाई पुनः सञ्चालनमा ल्याउने विषय सरकारको प्राथमिकतामा रहेको उनले बताइन् । उद्योग सञ्चालनलाई उत्पादनसँग मात्र नभई कच्चा पदार्थ व्यवस्थापनसँग पनि जोडेर अघि बढाउनुपर्नेमा उनले जोड दिइन् ।

उनले कपडा उद्योग, धागो उद्योग र कपासखेतीलाई एकैसाथ अघि बढाउनुपर्ने बताइन् । कपडा उत्पादनका लागि आवश्यक धागो र धागो उत्पादनका लागि आवश्यक कपासखेतीलाई समन्वय गरेर अगाडि बढाउँदा उद्योग दिगो रूपमा सञ्चालन गर्न सकिने उनको भनाइ छ । “रुग्ण उद्योगका रुपमा रहेको हेटौँडा कपडा उद्योग सबैभन्दा पहिला सञ्चालनमा आउँछ । कपडा र धागो उद्योग तथा कपासखेती एकैसाथ अगाडि बढाउनुपर्छ । यी उद्योग यही वर्ष सञ्चालनमा आउँछन्,” मन्त्री कुमारीले भनिन् ।

मन्त्री कुमारीले उद्योग क्षेत्रलाई उत्पादनमुखी बनाउने सरकारको लक्ष्यअनुसार रुग्ण उद्योग पुनः सञ्चालनको तयारी अघि बढाइएको बताइन् । उनले पेट्रोलियम पदार्थमा इथानोल मिसावट गर्ने कार्यसमेत अघि बढिसकेको जानकारी दिइन् । छलफलका क्रममा सांसदहरूले रुग्ण उद्योग, स्वदेशी उत्पादन, रोजगारी सिर्जना र आयात प्रतिस्थापनका विषयमा मन्त्रालयको स्पष्ट योजना आवश्यक रहेको धारणा राखेका थिए ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क