इन्फो नेपाल — सञ्चारको सञ्जाल

हेटौँडा खानेपानी बोर्डको १२औँ वार्षिकोत्सव: उत्कृष्टता र उत्तरदायित्वको सम्मान

हेटौँडा |  खानेपानीजस्तो आधारभूत सुविधालाई नागरिक अधिकारको रूपमा स्थापित गर्न हेटौँडा खानेपानी व्यवस्थापन बोर्डले चालु आर्थिक वर्षमा देखाएको प्रतिबद्धता र पारदर्शितामूलक सेवा प्रवाहले संस्थागत उत्तरदायित्वबारे नयाँ बहस जन्माएको छ।

बिहीबार सम्पन्न १२औँ वार्षिकोत्सवमा उत्कृष्ट कार्यसम्पादन गर्ने कर्मचारी, नियमित महसुल तिर्ने उपभोक्ता, सूचना दिने सरोकारवाला र स्वयंसेवकलाई सम्मान गरेर बोर्डले नागरिक सहभागिता र सेवा सुधारलाई प्राथमिकतामा राखेको स्पष्ट संकेत दिएको छ।

कार्यक्रमका प्रमुख अतिथि हेटौँडा उपमहानगरपालिकाकी मेयर मीनाकुमारी लामाले राज्य संयन्त्रहरू जनउत्तरदायी र समन्वययुक्त नहुन्जेल दीर्घकालीन समाधान सम्भव नहुने धारणा व्यक्त गर्दै, ‘सहज सेवा, पारदर्शिता र सुशासनसहित’ काम गर्न सबै तहलाई आग्रह गरिन्। उनले विशेष गरी विपन्न वर्गका लागि न्यूनतम शुल्कमा खानेपानी सेवा सुनिश्चित गर्ने नगरपालिकाको अभियानबारे जानकारी दिँदै संघीय समन्वयको आवश्यकतामाथि जोड दिइन्।

कार्यक्रममा बोर्डका अध्यक्ष प्रताप विष्टले दैनिक ३ करोड ७० लाख लिटर पानी उत्पादन र ६२८ किलोमिटर पाइपलाइनबाट सेवा प्रवाह भइरहेको जानकारी दिए। साथै, स्रोत संरक्षण तथा रिचार्ज पोखरी निर्माणमार्फत दीर्घकालीन व्यवस्थापनमा बोर्डको ध्यान केन्द्रित रहेको उनले उल्लेख गरे।

यो वर्ष उत्कृष्ट कार्यसम्पादन गर्ने कर्मचारी, पानी चुहावटबारे जानकारी दिने व्यक्तिहरू, स्वयंसेवक ट्यांकी सञ्चालकहरू, नियमित महसुल तिर्ने उपभोक्तासमेतलाई सम्मान गर्दै बोर्डले ‘उत्तरदायित्व साझा हो’ भन्ने सन्देश दिन खोजेको देखिन्छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क