इन्फो नेपाल — सञ्चारको सञ्जाल

हेटौँडा सिटी कलेजले ४० विद्यार्थीलाई निःशुल्क बीबीएस पढाउने

हेटौँडा । हेटौँडा–५ स्थित हेटौँडा सिटी कलेजले यस शैक्षिक सत्रदेखि स्नातक तहको बीबीएस संकायमा ४० जना विद्यार्थीलाई निःशुल्क अध्ययन गराउने भएको छ । कलेजले त्रिभुवन विश्वविद्यालयअन्तर्गत सञ्चालित चारवर्षे बीबीएस कार्यक्रम प्रथम वर्षदेखि चौथो वर्षसम्म निःशुल्क अध्ययनको अवसर उपलब्ध गराउने जनाएको हो ।

शनिबार आयोजित पत्रकार सम्मेलनमा कलेजका प्रमुख सुमन्त सिलवालले बीबीएस कार्यक्रमअन्तर्गत ४० जना विद्यार्थीलाई कुनै पनि भेदभाव नगरी निःशुल्क अध्ययनको अवसर प्रदान गरिने बताए । उनका अनुसार कोटाभित्र सबैभन्दा पहिले भर्ना हुने विद्यार्थीले निःशुल्क अध्ययन गर्न पाउनेछन् ।

‘कसैलाई काखा र कसैलाई पाखा गर्ने छैनौँ । ४० जनाको कोटामा सबैभन्दा पहिले भर्ना हुने विद्यार्थीले निःशुल्क अध्ययन गर्न पाउनेछन्,’ सिलवालले भने ।

कलेजका प्राचार्य श्रीबहादुर कार्कीले आर्थिक तथा अन्य विविध कारणले उच्च शिक्षाबाट वञ्चित भएका तर अध्ययन गर्ने इच्छा भएका विद्यार्थीलाई लक्षित गरी कार्यक्रम सञ्चालन गरिएको बताए । उनले निःशुल्क अध्ययनसँगै विद्यार्थीलाई सीपमूलक तालिमसमेत प्रदान गरिने जानकारी दिए ।

उनका अनुसार कार्यक्रमअन्तर्गत छनोट भएका विद्यार्थीलाई निःशुल्क लेखा तालिम, कम्प्युटर प्रशिक्षणलगायतका विभिन्न सीपमूलक तालिम दिइनेछ । अध्ययन पूरा गरेपछि विद्यार्थीलाई व्यवसाय सञ्चालन तथा रोजगारी सिर्जना गर्न सक्षम बनाउने वातावरण तयार गर्ने कलेजको योजना रहेको कार्कीले बताए ।

कक्षा १२ उत्तीर्ण गरी आवश्यक जीपीए प्राप्त गरेका विद्यार्थीले भर्ना हुन पाउनेछन् । त्रिभुवन विश्वविद्यालयको नियमअनुसार परीक्षा फाराम तथा अनिवार्य शुल्कबाहेक अन्य कुनै शुल्क विद्यार्थीले तिर्नु नपर्ने कलेजले स्पष्ट पारेको छ ।

विद्यार्थीलाई शैक्षिक रूपमा थप सक्षम बनाउन कलेजले तयारी कक्षासमेत सञ्चालन गर्ने जनाएको छ । वि.सं. २०७० मा जिल्लाकै पहिलो आईटी कलेजका रूपमा स्थापना भएको हेटौँडा सिटी कलेजमा हाल विद्यालय र कलेज तह गरी करिब एक हजार २०० विद्यार्थी अध्ययनरत छन् ।

कलेजले बीबीएस संकायमा निःशुल्क अध्ययनको कार्यक्रम आगामी वर्ष पनि निरन्तरता दिने जनाएको छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क