इन्फो नेपाल — सञ्चारको सञ्जाल

हेटौँडा–४ का वडाध्यक्षमाथि आक्रमण गर्ने मञ्जु तामाङ २ हजार धरौटीमा रिहा

हेटौँडा | हेटौँडा–४ का वडाध्यक्ष नवीन सिग्देलमाथि हातपात गरेको आरोपमा पक्राउ परेकी मञ्जु तामाङ २ हजार रुपैयाँ धरौटीमा रिहा भएकी छन्।

मकवानपुरका प्रमुख जिल्ला अधिकारी स्किम श्रेष्ठको आदेशमा आइतबार मञ्जुलाई धरौटीमा रिहा गरिएको जिल्ला प्रहरी कार्यालयका प्रवक्ता प्रहरी नायव उपरीक्षक श्यामु अर्यालले जानकारी दिए।

गत बिहीबार हेटौँडा–४ स्थित हुप्रचौरतर्फ जाँदै गरेको भित्री सडक निर्माण स्थलमा वडाध्यक्ष सिग्देल निरीक्षणका लागि पुगेका थिए। त्यही बेला निर्माण व्यवसायी मञ्जु तामाङले मोबाइलबाट भिडियो खिच्न खोजेपछि वडाध्यक्षले रोक्दै हातमा लागेको र मोबाइल खस्दै गर्दा मञ्जुले आक्रोशमा आक्रमण गरेको बताइएको छ। वडाध्यक्षले आफैंले मोबाइल नखिच्न भन्दै हात लम्काएको र त्यसपछि झगडा भएको स्वीकारेका छन्।

मञ्जुको आक्रमणको विरोधमा हेटौँडा उपमहानगरपालिकाको कार्यपालिका बैठकले शुक्रबार एक दिन सबै सेवा बन्द गरेको थियो। उपमहानगरको सेवा रोकिनुमा भने तीव्र आलोचना भएको छ।

यसअघि पनि हेटौँडा–१ का वडाध्यक्ष सविन न्यौपानेमाथि कालो मोबिल प्रहार भएको थियो। उक्त घटनामा संलग्न एक जना पक्राउ परेका छन् भने अन्य फरार छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क