इन्फो नेपाल — सञ्चारको सञ्जाल

७६ जनाको ज्यान जाने आन्दोलनपछि ३७५ पक्राउ, १४१ मुद्दा प्रहरीको फाइलमा

हेटौँडा | जेनजी आन्दोलनका क्रममा तोडफोड, आगजनी र लुटपाटमा संलग्न भएको आरोपमा देशभरबाट ३७५ जनालाई प्रहरीले पक्राउ गरेको छ। गृहमन्त्रालयका अनुसार कात्तिक १७ गतेसम्म १४१ वटा मुद्दा दर्ता भएका छन्।

मन्त्रालयले सार्वजनिक गरेको विवरण अनुसार सबैभन्दा बढी पक्राउ काठमाडौं उपत्यकाबाट भएका हुन्। उपत्यकाबाट मात्रै २१८ जना पक्राउ परेका छन्, जसविरुद्ध कर्तव्य ज्यान, आपराधिक उपद्रव, हातहतियार खरखजना, चोरी र अभद्र व्यवहारसम्बन्धी मुद्दा चलाइएका छन्। उपत्यकामा मात्र ९६ वटा मुद्दा दर्ता भएका छन्।

यस्तै, कोशी प्रदेशमा ३० जनालाई पक्राउ गरी ४ मुद्दा दर्ता गरिएको छ भने मधेश प्रदेशमा २१ जना पक्राउ र ६ मुद्दा दर्ता भएका छन्। बागमती प्रदेशमा ३३ जना पक्राउ र ११ मुद्दा, गण्डकीमा ३२ जना पक्राउ र ७ मुद्दा, लुम्बिनीमा २९ जना पक्राउ र ११ मुद्दा, कर्णालीमा ४ जना पक्राउ र ३ मुद्दा तथा सुदूरपश्चिम प्रदेशमा ८ जना पक्राउ र ३ मुद्दा दर्ता गरिएको मन्त्रालयले जनाएको छ।

प्रहरीका अनुसार आन्दोलनका क्रममा तोडफोड, आगजनी र लुटपाटजस्ता घटनाहरूका ३६ हजारभन्दा बढी भिडियो र तस्बिर प्रमाणका रूपमा संकलन गरिएको छ। ती प्रमाणको आधारमा संलग्न व्यक्तिहरूको पहिचान गरी कानुनी कारबाही अघि बढाइने प्रहरीको भनाइ छ।

यसैबीच, अख्तियार दुरुपयोग अनुसन्धान आयोगले पनि गत भदौ २३ र २४ गते भएको आन्दोलनका क्रममा भएको क्षतिको विवरणसहित जिल्ला प्रहरी परिसर काठमाडौंमा उजुरी दर्ता गरेको छ।

भदौ २३ र २४ गतेको जेनजी आन्दोलनमा ७६ जनाको मृत्यु भएको थियो। त्यस क्रममा सिंहदरबारलगायतका महत्त्वपूर्ण सरकारी संरचनामा आगजनी र तोडफोड भएका थिए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क