इन्फो नेपाल — सञ्चारको सञ्जाल

आज तीन प्रदेशमा भारी वर्षा, अपराह्नदेखि चक्रवातको प्रभाव कमजोर हुने

काठमाडौँ । बङ्गालको खाडीमा विकसित ‘अर्नब’ चक्रवातको अवशेष र पश्चिमी न्यून चापीय प्रणालीको प्रभावका कारण आज शनिबार पनि देशका अधिकांश प्रदेशमा वर्षा हुने सम्भावना रहेको छ। विशेषगरी बागमती, गण्डकी र लुम्बिनी प्रदेशका एक–दुई स्थानमा भारी वर्षा तथा हिमपात हुन सक्ने मौसम पूर्वानुमान महाशाखाले जनाएको छ।

जल तथा मौसम विज्ञान विभागको मौसम पूर्वानुमान महाशाखाले शनिबार बिहान ८ बजे जारी गरेको आगामी २४ घण्टाको पूर्वानुमानअनुसार आज दिउँसो कोशी, मधेश, बागमती, गण्डकी, लुम्बिनी र कर्णाली प्रदेशमा अधिकांश बादल लाग्नेछ भने सुदूरपश्चिम प्रदेशमा साधारणतया बादल लाग्नेछ।

बागमती, गण्डकी र लुम्बिनी प्रदेशका अधिकांश स्थान, कोशी र कर्णाली प्रदेशका हिमाली तथा पहाडी भूभागका धेरै स्थान र मधेश तथा सुदूरपश्चिम प्रदेशका केही स्थानमा मेघगर्जन र चट्याङसहित मध्यमसम्मको वर्षा वा हिमपात हुने सम्भावना छ। कोशी प्रदेशको तराई क्षेत्रका थोरै स्थानमा हल्का वर्षाको सम्भावना रहेको छ।

महाशाखाका अनुसार ‘अर्नब’ चक्रवातको अवशेष हाल न्यून चापीय क्षेत्रका रूपमा पश्चिम नेपालनजिक रहेको छ। यसको प्रभाव शनिबार अपराह्नसम्म नेपालमा रहने र त्यसपछि क्रमशः कमजोर हुँदै मौसम सुधार हुने सम्भावना छ। यद्यपि, माथिल्लो वायुमण्डलमा रहेको पश्चिमी न्यून चापीय क्षेत्रको प्रभाव भने कायमै छ।

शनिबार रातिदेखि वर्षाको गतिविधि घट्ने पूर्वानुमान गरिएको छ। राति देशका हिमाली र पहाडी भूभागमा साधारणतया बादल लाग्ने तथा तराई क्षेत्रमा आंशिक बादल रहनेछ। कोशी, बागमती, गण्डकी र कर्णाली प्रदेशका हिमाली भूभागका थोरै स्थानमा हल्का वर्षा वा हिमपातको सम्भावना रहेको महाशाखाले जनाएको छ।

पछिल्ला तीन दिनदेखि देशका विभिन्न स्थानमा भइरहेको वर्षाका कारण नदी तथा खोलामा पानीको बहाव बढ्ने, पहाडी क्षेत्रमा पहिरो जाने र सडक यातायात प्रभावित हुने जोखिम रहेको छ। विशेषगरी भारी वर्षाको सम्भावना रहेका क्षेत्रमा आवश्यक सतर्कता अपनाउन सर्वसाधारणलाई आग्रह गरिएको छ।

मौसम तथा बाढीसम्बन्धी थप जानकारीका लागि जल तथा मौसम विज्ञान विभागको निःशुल्क फोन नम्बर ११५५ मा सम्पर्क गर्न सकिनेछ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क