इन्फो नेपाल — सञ्चारको सञ्जाल

हेटौँडामा मोटरसाइकलबाट खसेर युवकको मृत्यु, १६ वर्षीय चालक नियन्त्रणमा

हेटौँडा । हेटौँडामा गुडिरहेको मोटरसाइकलबाट खसेर एक युवकको मृत्यु भएको छ। शुक्रबार दिउँसो हेटौँडा उपमहानगरपालिका–१० स्थित जिल्ला प्रहरी कार्यालय मकवानपुर अगाडि मोटरसाइकलबाट खसेर सर्लाहीको बरथवा नगरपालिका–१५, पिपराभित्ता बेलटोलका २७ वर्षीय विदुर विश्वकर्माको मृत्यु भएको हो।

जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक माधवप्रसाद काफ्लेका अनुसार दिउँसो करिब १२ः३५ बजे बसपार्कबाट थानाभर्‍याङतर्फ जाँदै गरेको ना५४प ८३२७ नम्बरको मोटरसाइकलमा पछाडि सवार विश्वकर्मा अचानक खसेका थिए।

मोटरसाइकलबाट खसेर घाइते भएका उनलाई तत्काल उपचारका लागि हेटौँडा अस्पताल लगिएको थियो। अस्पताल पुर्‍याएको केही समयमै दिउँसो १२ः४० बजे चिकित्सकले उनलाई मृत घोषणा गरेका थिए।

घटनापछि प्रहरीले मोटरसाइकल र चालकलाई नियन्त्रणमा लिएको छ। मोटरसाइकल चलाउने व्यक्ति मृतकका भतिजा नाता पर्ने १६ वर्षीय आकृत विश्वकर्मा रहेको प्रवक्ता काफ्लेले जानकारी दिए। उनी सर्लाहीको बरथवा–१५ घर भई हाल हेटौँडा–११, थानाभर्‍याङमा बस्दै आएका थिए।

मृतकको शव हेटौँडा अस्पतालमा राखिएको छ। मोटरसाइकलबाट खस्नुको कारण खुल्न बाँकी रहेको र घटनाबारे थप अनुसन्धान भइरहेको प्रहरीले जनाएको छ।

सम्बन्धित समाचार

​हेटौंडामा एकादशीको रौनक: त्रिखण्डी, ऋषेश्वर र मकवानपुरगढीमा भव्य मेला

हेटाैँडा । हरिबोधिनी एकादशीका अवसरमा शुक्रबार मकवानपुरका प्रमुख धार्मिक स्थलहरू त्रिखण्डी, ऋषेश्वर र मकवानपुरगढीमा मेला लागेको छ। बिहानैदेखि पूजाआजा र दर्शनका लागि मन्दिर परिसरहरूम…

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी