इन्फो नेपाल — सञ्चारको सञ्जाल

आवश्यकता अनुसारको बजेट वितरण गर्न प्रदेश सरकारलाई माग

हेटौँडा । मकवानपुरको बकैया गाउँपालिकाका जनप्रतिनिधिहरूले प्रदेश सरकारले बजेट वितरण गर्दा स्थानीय तहको आवश्यकतालाई प्राथमिकता दिनुपर्ने माग गरेका छन्।

शनिवार बागमती प्रदेश नीति तथा योजना आयोगका उपाध्यक्ष गङ्गादत्त नेपालसँगको छलफलमा गाउँपालिका अध्यक्ष, उपाध्यक्ष तथा वडा अध्यक्षहरूले प्रदेश सरकारले साना र अव्यवस्थित योजनाहरूमा बजेट छुट्याउँदा स्थानीय तहमा प्रभावकारी विकास हुन नसकेको गुनासो गरे।

गाउँपालिका अध्यक्ष धर्मराजा लामिछानेले सडक, स्वास्थ्य, शिक्षा, खानेपानी, बिजुलीजस्ता पूर्वाधारमा अझै अपुग रहेको बताए। उनले कृषि क्षेत्रमा प्राथमिकता दिँदै बकैयामा उत्पादित तरकारी विदेश निर्यातका लागि तयारी भइरहेको जानकारी दिए। पशुपालनबाट तीन करोड रुपैयाँको दूध बिक्री भइसकेको र आगामी दिनमा प्राङ्गारिक मल उत्पादनमा ध्यान दिनुपर्ने उनको भनाइ छ।

बकैया-५ की अध्यक्ष लक्ष्मी जिम्वाले आवश्यकताको आधारमा बजेट विनियोजन गर्नुपर्ने बताइन् भने बकैया-४ का कार्यवाहक अध्यक्ष विजय भ्लोनले सिमात खोला कटानको समस्या तत्काल समाधान गर्न प्रदेश सरकारको पहल आवश्यक रहेको औंल्याए। बकैया-२ का अध्यक्ष विश्वराज स्याङ्तानले सडक अभावले गाउँपालिका केन्द्रसम्म पुग्न मधेस प्रदेश हुँदै लामो दूरी पार गर्नुपर्ने बाध्यता रहेको बताए।

बागमती प्रदेश नीति तथा योजना आयोगका उपाध्यक्ष गङ्गादत्त नेपालले स्थानीय तहले आफ्ना आवश्यकता पहिचान गरी योजनाहरू प्राथमिकताका साथ अघि बढाउनुपर्नेमा जोड दिए। उनले प्रदेश सरकारले आयोजना बैंक सञ्चालनको तयारी गरिरहेको र त्यसमा डिपिआर तथा सम्भाव्यता अध्ययनबिनाका योजनाहरू समावेश नहुने स्पष्ट पारे।

स्थानीय तहका जनप्रतिनिधिहरूले कृषि, स्वास्थ्य, शिक्षा, पूर्वाधार तथा विपद् व्यवस्थापनका योजनामा दीर्घकालीन सोचअनुसार बजेट वितरण हुनुपर्ने माग गर्दै प्रदेश सरकारलाई गम्भीर हुन आग्रह गरेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क