इन्फो नेपाल — सञ्चारको सञ्जाल

कृष्णभीर अवरुद्धपछि फेरियो हेटौँडा–काठमाडौँको रुट, यात्रा पाँच घण्टासम्म

हेटौँडा । पृथ्वी राजमार्गको कृष्णभीरमा सडक अवरुद्ध भएसँगै हेटौँडा–काठमाडौँ आउजाउ गर्ने सवारी वैकल्पिक सडकमा मोडिएका छन्। एकैपटक ठूलो संख्यामा सवारी वैकल्पिक मार्गमा केन्द्रित हुँदा सामान्य अवस्थामा करिब तीन घण्टाको यात्रा अहिले पाँच घण्टासम्म लम्बिएको छ।

जिल्ला ट्राफिक प्रहरी कार्यालय मकवानपुरका ट्राफिक प्रहरी प्रमुख प्रहरी निरीक्षक रमेश विष्टका अनुसार वैकल्पिक सडक साँघुरा भएकाले सवारीलाई विभिन्न स्थानमा केही समय रोकेर समूहगत रूपमा पठाउने गरिएको छ। एम्बुलेन्सलगायत अत्यावश्यक सवारीलाई भने प्राथमिकता दिइएको छ।

साना यात्रुवाहक सवारीका लागि आउँदा र जाँदा फरक रुट प्रयोग गरिएको छ। हेटौँडाबाट काठमाडौँ जाने १४ सिटसम्मका सवारी भीमफेदी–कुलेखानी–सिस्नेरी–दक्षिणकाली हुँदै सञ्चालन भइरहेका छन्। काठमाडौँबाट हेटौँडा आउने सवारी भने फर्पिङ–फाखेल–कुलेखानी–भीमफेदी हुँदै आइरहेका छन्।

साना सवारीसँगै उपत्यकाको अत्यावश्यक वस्तु आपूर्ति प्रभावित हुन नदिन मालवाहक सवारीका लागि पनि छुट्टै व्यवस्था गरिएको छ। जिल्ला प्रशासन कार्यालय मकवानपुरका प्रशासकीय अधिकृत सन्तोष सुवेदीका अनुसार १२ चक्कासम्मका मालवाहक सवारीलाई मकवानपुरको भैँसेबाट त्रिभुवन राजपथ हुँदै काठमाडौँ पठाउने व्यवस्था मिलाइएको छ।

काठमाडौँबाट हेटौँडातर्फ आउने मालवाहक सवारीले भने ललितपुरको एकान्तकुना–छम्पी–टिकाभैरव हुँदै कान्ति लोकपथ प्रयोग गर्नेछन्। मालवाहक सवारी एकतर्फी रूपमा सञ्चालन गर्ने व्यवस्था गरिएको सुवेदीले बताए।

यी दुवै मार्गमा ग्यास बुलेट सञ्चालन गर्न नदिने व्यवस्था गरिएको छ। ग्यास भरिएका सिलिन्डर बोकेका ट्रकलाई भने त्रिभुवन राजपथबाट सञ्चालन गरिने सुवेदीले जानकारी दिए।

कृष्णभीरको अवरोधका कारण पृथ्वी राजमार्ग हुँदै काठमाडौँ आउजाउ गर्ने सवारी मकवानपुरका वैकल्पिक सडकमा केन्द्रित भएका छन्। यसले भीमफेदी–कुलेखानी क्षेत्रसहित वैकल्पिक मार्गमा सवारी चाप बढाएको छ।

सम्बन्धित समाचार

हेटौंडा–कुलेखानी सडक आज बन्द, कान्ति लोकपथ प्रयोग गर्न आग्रह

हेटाैडा । मकवानपुर प्रशासनले हेटौंडा–भैंसे–भीमफेदी–कुलेखानी सडक आज एक दिनको लागि बन्द गरेको छ । मकवानपुरको हेटौंडा–भैंसे–भीमफेदी–कुलेखानी हुँदै काठमाण्डौ आउजाउ गर्ने गाडी आज शुक्रब…

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते